أهالي البحيرة: "الأهلي هيفوز على بالميراس البرازيلي وهيجيب البرونزية".. وزملكاوية: "هنشجعه عشان مصر" (فيديو)

أعرب أهالي محافظة البحيرة عن تفاؤلهم بفوز الأهلي في مباراة بالميراس البرازيلي، وحصد الميدالية البرونزية في كأس العالم للأندية، والتي ستجري بينهما في الخامسة مساء غد الخميس.

يقول السعيد نافع، كبير مشجعي الأهلي بمدينة المحمودية بمحافظة البحيرة، "قادرين على حصد البرونزية، وياريت سليمان يلعب هجوم مش دفاع، عاوز أشوف الأداء والفن وقيمة نادي القرن، واللي عودنا أنه في المباريات الصعبة بيجيب البطولات، والناس كلها فرحانة عشان أتغلبنا من البايرن بطل أوربا 2، أنا الوحيد اللي زعلان مش الكرامة والكبرياء، لأن الأهلي كيان كبير".

وأوضح محمد الباز، "الأهلي مالعبش من أول البطولة غير شوط واحد، والشوط التاني مع الدحيل مش ده الأهلي المنتظر، ومع البايرن وهو أفضل فريق في العالم بس برضه احنا الأهلي أحسن نادي في أفريقيا، ومش ده المتوقع منه بصراحة"، مضيفا "في مباراة بالميراس لابد الاعتماد على طاهر ومحمد شريف لأنهم يمثلون قوى ضاربة".

وتابع أن "إصابة على معلول هتأثر بس عندنا البديل، الأهلي فريق كبير وماينفعش يظهر بالوضع اللي ظهر فيه مع البايرن، لازم يقدم كورته والرهبة اللي شوفنها مش عاوزين نشوفهم تاني، ومتوقع هزيمة الأهلي، وأنا مش طالب منه نتيجة، لكن طالب أداء، وإن شاء الله يشرف الكرة الإفريقية والمصرية".

وقال أحمد محمد حسن "إن شاء الله الأهلي هيعمل أداء مشرف وماتش كويس وهيكسب 2 /1  وأنا زملكاوي على فكرة".

وقال مازن وليد "اأنا زملكاوي، الأهلي هيعمل ماتش كويس ويشرف مصر ويكسب 1 /0 " وقال محمد هلال" إن شاء الله الأهلي هيكسب 1 / 0  مع أني انا زملكاوي، ويعمل ماتش كويس زى ما عمل في مباراة البايرن وفرحنا مع انه أتغلب، لكن بكرة هيعمل ماتش كويس ويرجع بالمركز الثالث إن شاء الله".

يذكر أن الأهلي قد خسر أمام بايرن ميونخ في مباراة نصف نهائي كأس العالم للأندية مساء أمس بهدفين دون رد.

ويخوض الأهلي لقاء المركز الثالث والرابع، أمام فريق بالميراس البرازيلي غد الخميس الساعة الخامسة مساء بتوقيت القاهرة، والسادسة بتوقيت قطر، الدولة المنظمة لبطولة كأس العالم للأندية.

بينهم 3 أطفال.. مصرع وإصابة 7 أشخاص إثر انفجار أسطوانة بوتاجاز في سوهاج