سارة سمير بطلة رفع الأثقال تنتقد المسئولين بسبب تجاهلها
وجهت سارة سمير، بطلة مصر لرفع الأثقال، انتقادًا شديد اللهجة للمسئولين عن اللعبة، بسبب تجاهلها في الأيام الماضية.
وكتبت سارة سمير عبر صفحتها على موقع "فيسبوك": "حسبي الله ونعم الوكيل، حسبي الله ونعم الوكيل في كل مسئول عن اللي احنا فيه، مفيش اهتمام ولا رعاية وحسسونا إننا خلاص متنا".
وتابعت: "لما يضيع حلم الأولمبياد بسبب ناس معندهاش ضمير يبقى حسبي الله ونعم الوكيل، لما أفضل سنة ونص قاعدة في البيت مفيش حد بيعبرني ولا بيسأل عني في البلد ولا حد بيرد علي تليفوني يبقى حسبي الله ونعم الوكيل".
وأكملت: "بعد المستوى والإنجازات اللي عملتها دي يبقى هو دا رد الجميل من البلد والمسؤولين يبقى حسبي الله ونعم الوكيل، ولما لغاية دلوقتي مش عارفين يعملولي حاجة في موضوع الوقف بتاعي ولا حد مهتم بيا ولا بيتابع الموضوع يبقى حسبي الله ونعم الوكيل، لما أكون قاعدة في البيت والمعسكر يشتغل وأنا محدش كلمني حتي في التليفون يحسسوني بوجودي ع الأقل يبقى حسبي الله ونعم الوكيل".
وأتمت: "لما يقعدو يقطعوا في بعض على المناصب ونبقى إحنا الضحية يبقى حسبي الله ونعم الوكيل، على فكرة إحنا دايما الأبطال وربنا مابينساش حد، شكرًا للجميع".
تعرف على قائمة "زد" إف سي لمواجهة النجوم بدوري الممتاز ب
