معتز عبد الفتاح عن حادث قطاري سوهاج: "اللي حصل النهاردة جريمة في حق بسطاء الوطن" (فيديو)
نعى الدكتور معتز بالله عبد الفتاح، أستاذ العلوم السياسية، ضحايا حادث قطاري سوهاج، الذي وقع بقرية الصوامعة غرب بمدينة طهطا، والذي أدى إلى سقوط إصابات ووفيات.
وقال عبد الفتاح، خلال تقديمه برنامج "تحت الشمس" عبر فضائية "الشمس": "اللي راحوا ذنبهم في رقبة مين؟ ما حدث جريمة في حق الوطن، وبسطاء الوطن، هؤلاء الناس في ذمتنا، وعلينا مسؤولية تجاههم".
وأضاف “عبدالفتاح”: "هناك ألم شديد، واللي غلط في حق المصريين لازم يتحاسب، ولو الغلطة تاريخية يبقى لازم ده يتكشف للناس، لازم المسئولين يقولوا هو القطاع ده متردي كده ليه؟ ليه كل سنتين تلاتة تحصل كارثة من هذا النوع؟ في أسباب مباشرة للموضوع لازم نفهمها قبل إطلاق الاتهامات".
وتابع: "لازم نعرف مين المسئول عن الحادث، وبلاش نقول الوزير لأن من يوم ما وعينا على الدنيا وفي حوادث قطارات، أنا معنديش إجابات أنا عندي أسئلة، أيوه وبعدين المشكلة دي هتتحل امتى؟ لو معندناش القدرة إننا نصلح حال القطاع ده وهو شغال يبقى نوقفه أو نقلل سرعته".
