من أوراق التحقيق.. ممثلة شابة تكشف تفاصيل اغتصابها: "هددني بمطواة وقالي هتسكتي ولا أقطّع وشك"
حصل “القاهرة 24" على التحقيقات في واقعة التعدي على فنانة شابة، واغتصابها بمنطقة حدائق الأهرام، من أحد أصدقائها تحت تهديد سلاح أبيض.
وأوضحت التحقيقات أن إحدى صديقات الفنانة المغمورة، قالت لها إنها تعرضت للنصب من قبل طبيب تجميل، والتقط لها صورا عارية وأرسل الصور والفيديوهات لأصدقائها.
وكشفت المجني عليها خلال التحقيقات أن المتهم تدخل للتوسط في حل المشكلة بيني وبين صديقتي لأنه صاحب الطرفين، مردفة: "وبعدين لقيته بيتصل عليا وبيقولي إيه المشكلة، وأنا قولتله أنا كنت هوسطك في حل المشكلة دي وبعدين قالي هما عاملين قاعدة ليكوا كلكم عشان يحلوا الموضوع ده في كافيه شهير في المهندسين وكله هيروح".
وتابعت المجني عليها: “لقيته بيتصل بيا الساعة التاسعة مساء بيقولي يلا عشان القاعدة اللي متفقين عليها، وأنا قولتله أنا هجيب عربيتي وأجيلك وقالي أنتي ساكنة جنبي ومنمتش من امبارح عشان المشكلة دي وأنا هوصلك لحد هناك وأرجعك تاني، وجه خدني فعلا من قدام الباب في عربيته الرانج روفر لونها أبيض وبعد ما خدني وإحنا رايحين لقيته يكلمهم بعد كده مردش عليه وقالي ساعتها إن أصحابه في حفلة تعالي نروح هناك نقعد ساعتين على ما يردوا علينا، وبعد كده نروح ليهم".
وأكملت: "وبعدين رحنا وقعدنا وخلصنا وخرجنا وقلت له اتصل عليهم قالي مش هتصل إحنا أصحاب حق وهما اللي يدوروا علينا، وبعد كده عدى على مكان اسمه -صهلله- وقال تعالى نبص على حمادة صديقه هنا وملقناش حد، وهو بيوصلني عدي على -أون ذا رن- اللي في الرماية جاب شوية حاجات منه وبعدين وهو بيوصلني مكان سكني في البوابة الأولى لقيته مدخلش منها وكمل على طول ودخل البوابة التانية، سألته إحنا رايحين فين لقيته فتح مطواة حطها في جنبي بيقولي هتسكتي ولا أقطع وشك يا بنت الـ.. وأنا سكت لحد ما وصلنا لمكان دور أرضي بباب كبير ونزلنا من العربية وفضل لازق فيا والسلاح في جنبي ودخلنا الدور الأرضي ده اللي وصلنا ليه وهي في منطقة 204 وساعتها دخل فتح الباب ودخلنا وبعد كده قفل الباب وأول ما دخلنا راح مقلعني البنطلون بالعافية وتعدي عليا بالضرب وقام باغتصابي تحت تهديد السلاح".
