الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

30 تصريحًا في 4 فيديوهات.. حسام حبيب يهاجم نضال الأحمدية ويشكو من إيذاء والده

حسام حبيب وشيرين
فن
حسام حبيب وشيرين عبد الوهاب وابنتها
الأربعاء 30/يونيو/2021 - 12:13 ص

شهدت مواقع التواصل الاجتماعي حالة واسعة من الجدل، بعد أن قرر الفنان حسام حبيب الخروج عن صمته وكشف حقيقة ما أثير حول علاقته بزوجته الفنانة شيرين عبد الوهاب، بعد تسريب تسجيل صوتي لوالده حسين حبيب.

ويستعرض “القاهرة 24” في السطور التالية أبرز تصريحات حسام حبيب في 4 فيديوهات نشرهم عبر حسابه الخاص بموقع تبادل الصور والفيديوهات “انستجرام”.

ظهر حسام حبيب في أول فيديو له مع زوجته المطربة شيرين، بصحبة طفلتها، وبدأ حديثه بسؤال استنكاري: “إيه رأيكوا فيا وأنا بضحك على شيرين؟" وجاء أبرز ما قاله في الفيديوهات التي نشرها كالتالي:

-والدي تم استدراجه لمصالح خاصة، وعلاقتي بشيرين لا يفرقها بشر.

-لا أدير حسابات أو شغل شيرين ولكن لديها شركة منفصلة بفريق محترف.

-لا أتحكم بحسابات شيرين البنكية، ولا أتدخل في إدارة أعمالها، لأنها تعمل مع شركة خاصة بها لإدارة الأعمال.

-هناك العديد من الأشخاص في الدائرة المحيطة بحياة شيرين تأذت من قوة علاقتي بها خاصة بعد الزواج.

- عرّفت شيرين إزاي تاخذ حقوقها كاملة من الناس، "بالبلدي مضايقين إن الحنفية اتقفلت عليهم".

-"اطمنوا شيرين بخير.. وهترجع بقوة الفترة الجاية".

-"شيرين كانت بتحضر لحاجات كتير إن شاء الله هتكون مفاجأة ليكوا.. وتعرفوا إن الوقت اللي عدى مكنش هباءً".

-علاقتي بـ “والدي”غير مستقرة لأنه أذاني كثيرًا

-التسجيل الصوتي المُسرب خطته لم تكن السابقة الأولى من نوعها لمحاولات هدم حياتي.

-الشخص اللي خلفني تسبب في تكرار الأذى لي، وعارف مين اللي استدرجه وعارف كل حاجة، ولا من حق اللي اتزق عليه يتكلم عني.

-والدتي منفصلة عنه منذ 30 عامًا، وهي التي ربتني وعلمتني أن أوده دائمًا.

-رغم ما تسبب به طوال حياتي من إيذاء، لكن حتى آخر وقت كنت أوَدُّه.

كما هاجم الإعلامية نضال الأحمدية المسؤولة المسؤولة عن نشر التسجيل الصوتي كالتالي:

-مش عارف اسميها إيه بصراحة، اللي بتدعي إنها صحفية وعملت عمل صحفي، بسألها سؤال أنت اخترقتي الآخر إزاي”.

-أي عمل استقصائي يسمحلك إنك تخترقي حياة ناس، وتبعتي واحدة وأنت تعترفي بلسانك إنها مش مذيعة وشغالة ايه الواحدة دي، ودي أكيد من الشبكة اللي بتديريها.

-الناس كلها عارفة شغلانتك الحقيقية إيه.

-أخلاقي وتربيتي متسمحليش إني ألاقي لفظ أو حاجة أرد بيها على هذا الكائن اللي مينفعش أقول عنها بني آدم.

-سمعت النهاردة بعد ما خلصت شغلي حاجة ضحكتني، المدعية بتقول في مواجهة جديدة مع حسام حبيب.

-إنتي مواجهاتك مع اللي بتعرفي تخترقيهم بشبكاتك.

- سمعت إنهم صعب ياخدوكِ في لبنان عشان اختراقاتك واستقصاءاتك واصلة لكل الناس في لبنان ومحدش بيعرف يقاضيكي هناك”.

-مصر اللي حاولتِ تتمسحي فيها وتجيبي سيرة مصر وسد النهضة أشرف بكتير، إنها تيجي على لسانك.

-بلاش شغل تماحيك علشان البلد كبيرة وفيها قانون وصدقيني الدنيا كلها عارفة يعني إيه مصر.

-أول مرة أسمع عن أسلوب صحفي استقصائي أستخدم فيه بنات و"أزقّهم"، وأقول إن عندي 12 مليون متابع بستخدمهم.

-بتستخدمي البشر اللي متابعينك وتستغليهم وتدفعيهم يعملوا مكالمات مع ناس وتسميها أعمال استقصائية.

-بتقولي إني أنا لم أنفِ الأمر، أنا فعلًا لم أنفِ الأمر، لأني أنا أرجل وأنضف من إني أنفي، ولا أكد صوته ولا مش صوته ما يخصنيش.

-أنا يخصني بيتي ومراتي وعيلتي، إنتي عاوزة تجري ورا شخص بالاسم يقرب لي، لكن بالفعل لا، وده اللي إنتي لعبتي عليه.

- أنا مش بدافع عنك ولا عنه ولا أقدر أجيب سيرة اسمك ولا اسمه.

-أنا قررت أواجه الحقيقة بمنتهى الشجاعة، وأقول  للأعور إنت أعور في وشه.

-اوعي تفتكري إني هخاف من استقصاءاتك، أنا مش برد على التلفونات مش هتعرفي تستقصي معايا.

-لسه فيه جولات بيني وبينك وهعرفك يعني إيه تخوضي في أعراض مصريين، ده عندك هناك.

-لو مش فاهمة يعني إيه مصر إحنا هنفهمك هعرف إزاي أجيبك وأوركي يعني إيه مصر.

 

تابع مواقعنا