الجمعة 29 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

شاكوش يرد على رضا البحراوي: أنا ولا جريت ولا هربت.. زي أي نجم بخلص وبروح بيتي

 نشبت مشاجرة بين مطرب المهرجانات حسن شكوش والمطرب الشعبي رضا البحراوي، خلال حفل الساحل الشمالي يوم الجمعة الماضية، والتي جمعت حمو بيكا وحسن شاكوش ورضا البحراوي.

وظهر شاكوش اليوم في فيديو بث مباشر عبر صفحته الرسمية بـ فيسبوك، ليرد على المطرب الشعبي، وبدأ شاكوش حديثه قائلًا: أنا طالع يا جماعة اتكلم في موضوع يخصني ويخص الأستاذ رضا البحراوي، أول حاجة يا جماعة المفروض إن إحنا كان عندنا شغل في الساحل والمفروض إن أنا راجل عندي نمرة، ماينفعش إن أنا أطلع أغني وألاقي فرقة حطه العدة بتاعتها في نمرتي.

وتابع: الأصول إن كل واحد ياخذ حقه ماينفعش إن أطلع الاقي فرقة جهزت الآلات بتاعتها على نمرتي، وبلغت مرة واتنين إن يا جماعة لازم تنزلوا ومش عايز حد على المسرح دي حاجة تخصني وحاجة ترجع ليا أنا، دي نمرتي أنا اللي أنا عايزه يبقى على مسرح موجودة واللي مش عايزه يبقى مش موجود.

وأضاف: بعد ما خلصت آخر شغل، فرقة الأستاذ رضا البحراوي، طلعت على المسرح تاني ومارضتش اتكلم، وأنا نازل حد فيهم من الفرقة راح شتمني وعاملي حركة كأنهم بيزفوني وأنا نازل.. وأنا راجل شوفت كده انا راجل حر من بولاق الدكرور، ولما بشوف الغلط بعيني مش بعرف اسكت.

واستكمل: خلصت ونزلت لاقيت رضا البحراوي طلع بيقول هو فين شاكوش هو هرب ولا جرى أنا بصراحة كان نفسي فيه، لا يا بحراوي أنا ولا جريت ولا هربت أنا خلصت فقرة بتاعتي زي أي نجم بيخلص وبيروح بيته.