الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

حسن الشاكوش: فرقة العازفين ستارة لكل المطربين.. وعمري ما تعاملت برخامة مع حد

حسن شاكوش
فن
حسن شاكوش
الثلاثاء 07/سبتمبر/2021 - 12:53 ص

رد مطرب المهرجانات حسن شاكوش على الجدل المُثار حول تطاوله على الطبالين والعازفين الموسيقيين بسبب الجملة الخادشة للحياء التي قالها في فيديو عبر حسابه بـ«فيس بوك» أثناء خلافه مع المطرب رضا البحراوي، واعتقد البعض أنها إهانة منه لفئة عازفي الطبلة.

قال حسن شاكوش، في فيديو عبر حسابه الشخصي بموقع التواصل الاجتماعي فيس بوك، إن خلافه مع رضا البحراوي انتهى بشكل كامل بينهما بالصلح، مشيرًا إلى أنه لم يقصد إهانة عازفي الطبلة الذين يوجدون في فرقته.

تابع شاكوش:  «لو أى عازف أو مزيكا زعلان مني أنا بتأسف ليكم، وكنت أقصد في الجملة أن لو الأب مش مسيطر في بيته البنت أو الشاب هيطلعوا مش كويسين مفيش سيطرة، مش قصدي الطبلين والعازفين، لأن أنا فرقتي شخصيا معايا عازفين وطبلين وناس محترمة وأكبر مني سنا، بعيد أنهم عازفين لازم يكون في احترام ما بيني وهما بيكونوا ستارة لكل المطربين ومن غيرهم المطرب ملوش قيمة».

أضاف شاكوش: «أنا معايا فرقة وعازفين ودول أول ناس يزعلوا منى، لو أنا كلامى يقصد كده وأنا عمرى ما أغلط فى الناس بتوع المزيكا، وعمرى ما زعلت حد منى وأنا طالع لايف ده مش عشان خاطر أنا اتوفقت أى قرار أنا راضي بيه جدا وبقول الحمد لله، لكن حبيت أوضح وجهة نظرى».

أردف المطرب حسن شاكوش: «اسالوا يا جماعة كل الفرق اللي أنا اشتغلت معاهم بطلع بتعامل معاهم ازاى، لو هما قالوا حسن شاكوش بيتعامل معانا برخامة أو هو تنك، أنا اتكفل باللى أنتوا تقولوا عليه، أنا اشتغلت على جميع فرق مصر وفى فيديوهات على يوتيوب واشتغلت على فرقة رضا البحراوي أكتر من 10 سنين وهما أخواتي».

إيقاف حسن شاكوش

قررت نقابة المهن الموسيقية إيقاف مطرب المهرجانات حسن شاكوش عن الغناء نهائيًا لأجل غير مسمى، ومنعه من مزاولة المهنة وإحياء حفلات غنائية، وإيقاف المطرب الشعبي رضا البحراوي لمدة شهرين، بعد مشاجرة كبيرة بينهما حدثت بالساحل الشمالي، خلال إحيائهما إحدى الحفلات هناك.

تابع مواقعنا