قبول الطلاب مزدوجي الجنسية والأجانب فقط.. شروط مدرسة دولية بالقاهرة تثير الجدل بين أولياء الأمور
أثارت شروط القبول في مدرسة القاهرة الجديدة البريطانية الدولية، الجدل بين العديد من أولياء الأمور ما بين ارتفاع زيادة المصروفات، واشتراط قبول الطلاب الأجانب ومزدوجي الجنسية فقط.
مدرسة القاهرة الجديدة البريطانية الدولية، هي مدرسة بريطانية تقدم المنهج البريطاني وتتيح تعليم المنهج الهولندي، وتقبل الطلاب الأجانب أو أصحاب الجنسية المزدوجة فقط، في حين أن المدرسة في القاهرة وللطلاب المصريين.
ليست اشتراط ازدواج الجنسية فقط هي المثيرة للجدل بين أولياء الأمور، إلا أن مصروفات المدرسة تبدأ من 147 ألف جنيه في الصفوف الأولى بالمدرسة، وتتراوح رسوم الباص سنويًا بين 25،219 إلى 36،632 جنيه مصري.
وكتبت أشرقت مصطفى، عبر جروب دليل المدارس المصرية: بما أننا بنجهز للموسم الجديد من تقديمات المدارس ليه في مدارس مبالغ فيها أوي كده، لدرجة إنها متقبلش مصريين بس ولازم يكون معاهم جنسيه تانية أو أجنبي بس ومصاريف مبالغ فيها أوي ليه مدرسة زي نيو كايرو بريتش سكول تعمل كده مثلا، مستنكرة هما بيخترعوا ايه بالظبط جوا المدرسة؟ ليه بردة مش بيقبلوا مصريين بس.
فيما علق أحمد بديع، ولي أمر، قائلا: علشان احنا بنتعايق على بعض بالمدارس وبناخدها جزء من المظهر الاجتماعي وكلنا عارفين إن المدارس شبه بعض ولو أنت مش متابع الطفل مش هيفرق نوع المدرسة، مدارس ايه اللي يدفع فيها 150 ألف في السنة !، بيديهم اشتراكات مجانية في النادي الأهلي والزمالك والجزيرة مثلا!.
