الجمعة 29 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

مرتضى منصور: كل الناس اتأكدت إني مش حرامي.. وهرجع الزمالك بعد مباراة القمة

 

قضت محكمة القضاء الإداري بمجلس الدولة، صباح اليوم، بقبول طعن المستشار مرتضى منصور، وإعادته رئيسًا رسميا لـ مجلس إدارة النادي الزمالك من جديد.

 

وقال المستشار مرتضى منصور: من أمام مجلس الدولة العريق، بشكر ربنا، أنا رفضت الدعوى يوم 29 نوفمبر 2020، والنهاردة بعد سنة تقريبًا، ربنا رجَّعلي حقي.. وأشكر جماهير الزمالك على دعمها المستمر.. أما عن القضاء المصري؛ فلا أشكره، فهو لا يشكر أو يُذمّ، وأنا لا أشكر القضاء؛ لأن ده عدل ربنا. 

 

وأكمل المستشار مرتضى منصور، حديثه: عايز أقول إن ده نصر من عند ربنا، الحمد لله إن كل الناس اتأكدت إننا مش حرامية، وماكنش عندنا مخالفات مالية.

 

وعن تنفيذ قرار العودة لرئاسة النادي، قال المستشار مرتضى منصور: أنا مش هرجع نادي الزمالك غير بعد مباراة القمة القادمة مع الأهلي؛ عشان ما يحصلش تشتت للاعبين.

 

أما عن ترشحه لانتخابات نادي الزمالك المقبلة، فقال: ما عنديش ما يمنع إني أنزل الانتخابات، إنما ترشحي للانتخابات دي؛ قضيتي أنا وأسرتي، أرفض أي تدخل خارجي بها.

 

وأوضح خلال حديثه، أنه يدعم كارتيرون المدير الفني الحالي لنادي الزمالك: أنا اللي جبته، وهو اللي هرب، وفي النهاية، أنا أدعمه، وقرارتي مع مصلحة الفريق.

 

واختتم المستشار مرتضى منصور، حديثه: أشكر النائب العام، وأثق به ثقة مطلقة، عمره ما هيظلم حد، ولسه هاخد حقي من مجلس النواب اللي زور الانتخابات.