الجمعة 29 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

مهندس بدرجة بائع عرقسوس: عمري ما حسيت بالخجل.. وهعلم ابني يشتغل زيي

قال الشاب أحمد شحاتة القصير، وهو من قرية شنوان التابعة لمركز شبين الكوم، بمحافظة المنوفية، إنه يعمل مهندس مساحة في شركة من أكبر شركات المقاولات في مصر، ويبيع العرقسوس في الشارع، مضيفا الحمد لله وصلت للي أنا فيه دلوقتي بفضل دعاء أبوبا وأمي.

وعن بيعه للعرقسوس بالشارع، أوضح أحمد شحاتة: القصة بدأت من أيام جدي بركات اللي علم أبويا الشغلانة دي، وأنا اتربيت مع أبويا على كده، طلعت لقيته يبيع العرقسوس فحبيت الموضوع.

وأضاف بائع العرقسوس، أن والدته هي من تُساعده في إعداد العرقسوس، متابعا: بشتغل على عربية العرقسوس من يوم الخميس بليل ويوم الجمعة كله عشان إجازتي، ووالدي كان يشجعني دائمًا وعودني أني أشيل المسئولية، والناس كلها بتحفزني وبتدعيلي، وعمري ما حسيت بالخجل بسبب الموضوع ده.

وأكمل المهندس بائع العرقسوس حديثه: أحنا معروفين من أيام جدي بركات عشان كان مشهور بإن العرقسوس بتاعه جميل، وأبويا اتعلم منه وبعدين أنا، وإن شاء الله هعلم أخويا الصغير وابني كمان.

وأضاف: لو حد جالي ومش معاه فلوس أو مش معاه فكة، عادي بخليه يشرب والماديات مبتفرقش معايا وربنا بيرزق.