حمادة طلبة: لو في وقت كنا اتعادلنا.. ومصطفى فتحي ميقعدش دكة
تحدث حمادة طلبة لاعب الفريق الأول لكرة القدم بنادي الزمالك السابق، عن مباراة القمة التي انتهت بفوز النادي الأهلي بخمسة أهداف مقابل ثلاثة، في قمة الجولة الثالثة من الدوري المصري.
وقال حمادة طلبة في تصريحات تلفزيونية: كانت مباراة ممتعة، الدوري بادئ بداية كويسة جدًا، والمباراة كانت خارج التوقعات، وزي ما شوفنا النتيجة كانت كبيرة جدًا على نادي الزمالك، بس الحمدلله قدر يرجع تاني.
وتابع نجم الزمالك: مش عاوز جمهور الزمالك يزعل، أه النتيجة كبيرة على نادي الزمالك، بس الحمدلله أنا شايف إن الزمالك قدر يرجع، ولو كان في وقت شوية كنا ممكن نتعادل.
وأضاف حمادة طلبة: طبعًا جمهور الزمالك هو اللي حزين، اللاعيبة برضه رجالة مقصرتش كملت لغاية آخر دقيقة، وعملت كل اللي عليها، وقدرت ترجع في النتيجة مستسلمتش.
وواصل نجم الزمالك: عاوز أشيد بمصطفى فتحي، بصراحة ميقعدش على الدكة خالص، لاعيب كبير وعنده خبرة، من الناس اللي بتطلع برة الزمالك، وبترجع تأدي بشكل كويس، أتمنى يكون موجود في الملعب علطول.
