الطفل الباكي: بشكر كل الناس اللي عاوزة تاخدني.. أنا مبسوط في الدار
قال الطفل محمود، المعروف إعلاميًا بالطفل الباكي، إنه أجرى عملية الزائدة الدودية، في اليوم التالي لحلقة برنامج واحد من الناس، مع الإعلامي عمرو الليثي.
وأضاف محمود خلال حديثه لبرنامج واحد من الناس، المُذاع على تليفزيون الحياة: أنا سجلت مع الدكتور عمرو، وجيت تاني يوم الدار الصبح، وكنت تعبان، عملولي عملية الزائدة، وفضلت نايم في الأوضة، وكل صحابي حبوني، وأنا عاوز أعيش هنا دايما.
وتابع الطفل: بقوله شكرًا على كل اللي أنت عملته معايا أنا مبسوط هنا، ولاقيت أخوات حلويين، موكدًا أنه بدأ تعلم الرسم والعديد من الألعاب مع أشقائه في الدار.
ووجه للكامير آخر صورة رسمها لمنزل قائلًا: أنا رسمت البيت اللي كان نفسي أعيش فيه.
وواصل الطفل: عاوز أقول لكل الناس اللي عاوزة تاخدني، أنا مش هروح عند حد، أنا شايف نفسي هنا، وفي ناس كتير عاوزاني، من الكويت والسعودية، ومن الأردن، بس أنا مش هروح لحد خالص.
من جانبه قال الإعلامي عمرو الليثي: بعد الاطمئنان على حالة محمود، أشكر كل العائلات التي أرادت التكفل بحالة محمود، فهو يتلقى الرعاية الصحية، وسيكون شابًّا نافعًا لوطنه إن شاء الله.
