مبكسبش من حفلاتي الكبيرة.. تامر حسني يوجه نصيحة للشباب بعد نجاح حفله الأخير
نشر الفنان تامر حسني عددا من الصور من حفله الأخير بمركز المنارة، وذلك عبر حسابه الرسمي بموقع تبادل الصور والفيديوهات انستجرام.
ووجه تامر حسني رسالة للأجيال القادمة، قائلا: هقول كلمة مهمة جايز تفيد حد في شغله، وعشان يتعلمها الأجيال القادمة، من ضمن سياستي في شغلي أن أكبر حفلاتي أنا وكل الفريق مبنكسبش منها ماديًا خالص.
وتابع تامر: وبدفع زيادة عليها كمان.. عشان نظهر بالمظهر المختلف الراقي المواكب لأكبر بلدان العالم، وعشان نعمل تاريخ فني قوي في حق تاريخنا الفني وبلدنا ووطنا.
وأضاف تامر حسني: مش دايمًا المكاسب بتبقى مادية، وعلى فكرة بعمل كدا من وأنا صغير لحد النهاردة، عشان كدا بشكر كل اللي صدقوني في النقلة دي وتعبوا معايا، واثق أنهم فرحانين بالنتيجة دلوقتي بعد ما كل واحد فيهم أصبح أهم شخص في مجاله.
وشكر تامر حسني كل القائمين على الحفل، قائلًا: كل التحية والتقدير والاحترام للتنظيم ورجال الأمن ولعباقرة المسرح الغنائي المصري والعربي، ومليون شكر للجمهور اللي حضر، وفرحان جدًا من التعليقات الجميلة.
والجدير بالذكر، أن الفنان تامر حسني طرح آخر أغانيه يا فرحة وهي من كلماته وألحانه وتوزيع علي فتح الله، وتخطت حاجز الـ 8 ملايين مشاهدة منذ طرحها على موقع الفيديوهات يوتيوب.
