أم طفل مصاب بمرض نادر: فتحنا حسابا بنكيا تابعا لوزارة التضامن.. ونحتاج مليون و800 ألف جنيه
مالك محمد، طفل يبلغ 4 سنوات ونصف، يقيم بمدينة طنطا بمحافظة الغربية، يعاني من مرض نادر يعرف بـ "ثلاسيميا"، وهو مرض يؤثر في كل أعضاء الجسد، مثل الأسنان، الكبد، السكري، الكلى والقلب، حسب ما أوضحت الطبيبة المشخصة لحالة الطفل.
مالك من حقه يعيش زي باقي الأطفال
مالك من حقه يعيش طفولته.. هكذا بدأت إيمان مسعد، والدة الطفل مالك، حديثها مع القاهرة 24، مشيرة إلى أنها اضطرت لجمع تبرعات لإنقاذ ابنها، تحت إشراف وزارة التضامن الاجتماعي، مؤكدة أنها بحاجة لجمع مليون و800 ألف جنيه.
وأضافت لـ القاهرة 24: مالك حالته بتتأخر يوم عن يوم وبقى ينقل دم كل 3 أسابيع، ومحتاج عملية زرع نخاع برة مصر لعدم وجود متبرع داخل مصر، عشان كدة فعلت حساب البنك الأهلي وعملت حساب في فوري وcib بس لسه متفعلش.
وتابعت الأم: مالك عنده أنيميا البحر المتوسط وبينقل دم كل 3 أسابيع، عشان عنده تضخم في الطحال، بسبب تراكم الحديد عليه.
حالة مالك تتأخر
يعاني مالك من المرض منذ كان يبلغ عامين ونصف تقريبا، والحالة تتأخر مع مرور الوقت، حتى أنه يبلغ الآن 4 سنوات ونصف دون أن يحصل على علاج، بل يعيش على نقل الدم والحقن، وحياته عبارة عن تنقلات من مستشفى لمعمل تحاليل.
وناشدت الأم الجميع مساعدته في إنقاذ ابنها، فقالت: عايزة كل واحد يحط نفسه مكانى، معنديش غير مالك ونفسي يعيش حياته طبيعى زي الأطفال، مبقاش يحب يخرج معايا، لما بياخد الحقنة بتدخل في قلبي مش في إيده، ياريت كل الناس تساعد مالك.
