الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

مراد منير: أشرف زكي وأحد أعضاء مجلس النواب كلموني لحل مشكلة طردي من المنزل | فيديو

المخرج مراد منير
فن
المخرج مراد منير
الجمعة 21/يناير/2022 - 10:06 م

تحدث المخرج مراد منير زوج الفنانة الراحلة فايزة كمال عن تفاصيل أزمة طرده من منزله في منطقة مدينة نصر، بعد استغاثته بالرئيس عبد الفتاح السيسي للتدخل في حل أزمته.

وقال مراد منير خلال حواره مع القاهرة 24، إن مالكة الشقة رفضت تجديد العقد أو حتى أخذ إيجار الشقة ألا وهو 5 آلاف جنيه، متابعًا: هي مش غلطانة لأنها لو خدت الفلوس مش هتعرف ترفع القضية، وهي عايزة شقتها، أنا بطلب تستنى عليا كام يوم بس أعرف آخد بيت تاني وأقعد في مكان دافئ ومبقاش في الشارع.

أضاف مراد منير: الست راحت القسم بعد ما وافق يأجلي موعد خروجي وضغطت على المأمور فقال مشوه يوم الأحد، وأنا لو عليا أنام في الشارع عادي لكن مشكلتي في أولادي وقلقي على بنتي إنها تنام في الشارع، معنديش مشكلة أفرد مرتبتي في الشارع وده شيء يشرف هذا الوطن أن يكون أحد فنانيه نايم في الشارع، وأنا دخلت السجن كذا مرة وكان زمان أيام السادات وأنا متعود أنام على البورش وعلى الأرض، وأولادي هم يوسف لسه متخرج من معهد فنون مسرحية ولسه مشتغلش، وليلى تالتة إعلام القاهرة إنجلش وبتشتغل شغلانة بسيطة تساعد نفسها والحياة بقدر أمشيها من أصحابي وإخواتي.

وتابع زوج فايزة كامل: دكتور أشرف قالي هنحاول نحل المشكلة وميتمش خروجك يوم الأحد ونحاول نزقها يومين تلاتة، وحد من مجلس النواب هيجيلي نتكلم في المشكلة، وواضح إن أشرف حبيبي قلب الدنيا.

واستكمل مراد منير حديثه: أنا مش سالك عشان أعرف أوصل لموسم الرياض، جاتلي كورونا مرة وقعدت نايم  14 يوما وقومت من الجلطة زي الوحش ومفيش حاجة توقفني ولا تكسرني، ولكن أنا أحد ضحايا الإخلاص الفني في البلد دي، أنا منفعش واللي بينفع هو اللي بينط على الحيط وينافق ويكذب عشان كده باخد على دماغي ومتحمل لكن لما أطلع عند ربنا هرفع رأسي واتكلم وأعتقد إني عملت في الدنيا حاجات حلوة وأنا مبسوط باللي عملته.

 

تابع مواقعنا