أنا وبيكا مش أقل من ويجز وعنبة.. أبرز تصريحات حسن شاكوش في برنامج كلام الناس
حل مغني المهرجانات حسن شاكوش ضيفًا مساء أمس الجمعة، على الإعلامية ياسمين عز، في برنامج كلام الناس، المذاع عبر قناة MBC مصر، وخلال اللقاء كشف العديد من أسرار حياته، وأن والدته مريضة بالسرطان، وحزينة عليه بسبب إيقافه عن الغناء.
كما تحدث حسن شاكوش عن أزمته الأخيرة مع نقابة المهن الموسيقية، بعد قرار إيقافه عن الغناء، مشيرًا إلى أنه يعاني كثيرًا من هذا الأمر، ومؤكدًا أن هناك بعض المطربين يسعون لإيقافه ومنعه من الغناء وكذلك زميله مؤدي المهرجانات حمو بيكا.
تصريحات حسن شاكوش
ونستعرض لكم أبرز تصريحات حسن شاكوش، في برنامج كلام الناس.
ـ أنا وبيكا مش أقل من ويجز وعنبة.. ياريت يصنفونا مطربي راب، ويدونا كارنيه النقابة.
-زعلان على أمي عشان عندها السرطان، وبتزعل عليا.
-مش بحب أتكلم على مرضها، عشان محدش يفتكر أني بتاجر بمرضها.
-دايمًا بتدعي لي وبتقول لي إن ربنا هيفك كربك، عشان مش بظلم حد.
-بغني لعبد الحليم حافظ وأم كلثوم، مش بغني مهرجانات بس.
-النقابة وقفت رضا البحراوي شهرين بس، مع أن نيته مكنتش كويسة من ناحيتي.
-فرقته كانت بتشتمني بالأم والأب، ومفكرتش وأنا بهاجمه على المسرح.
-أنا راجل من منطقة شعبية، لو واحد أداني قلم برده له أقوى.
-في النهاية إحنا غلطنا واتأسفنا، واتراضينا.. إيه هنندبح؟
-بعض المطربين مصلحتهم نبعد عن بعض أنا وعمر كمال وبيكا، ومش بيناموا بسببنا.
