تامر حسني يشوق جمهوره لـ أغنية فيلم بحبك
شارك الفنان تامر حسني، جمهوره صورة من كواليس تسجيل أغنية فيلم بحبك، الذي يقدم بطولته برفقة الفنانة هنا الزاهد، وهدى المفتي التي انضمت مؤخرا لفريق عمل الفيلم.
ونشر تامر حسني، صورته في أثناء تسجيل الأغنية، وذلك عبر حسابه الشخصي بموقع تبادل الصور والفيديوهات انستجرام وعلق قائلا: نهاركم عسل يا ناس يا عسل.. دلوقتي بسجل أغنية فيلم بحبك، ومبسوط بيها أوي عشان فعلا هتخصكوا جامد.
يعد فيلم بحبك، هو التعاون الثاني بين الفنان تامر حسني والفنانة هنا الزاهد، وسبق ونشر تامر، الصور الأولى من كواليس الفيلم عبر حسابه بموقع فيس بوك، وعلق موضحا أنه أول من اكتشف هنا الزاهد: مساء الهنا على أغلى ناس على قلبي أنا، دي صور من أول يومين تصوير لفيلمنا الجديد بحبك، طبعًا في ناس هتقرأ اسم الفيلم بحبِك، وناس هتقرأه بحبَك، دا طبعًا مقصود عشان في دراما الفيلم هنبحث طول الوقت عن مدى صدق كلمة بحبِك، من الرجل للأنثى، وبحبَك من الأنثى للرجل، في أحداث فعلًا محيره جدًا.
وتابع تامر حسني: الفيلم أكيد فيه ضحك بس في إطار رومانسي بحت مش موجود بقاله كتير، وتشرفت بمشاركة نجمة اليوم والمستقبل الجميلة هنا الزاهد، ومبسوط أني أول من اكتشفها في بداية حياتها، وفي الفيلم دا بكتشفها تاني، وبقدمها بشكل جديد عليها وعليكم، ومبسوط جدًا لمشاركة حبيب قلبي، نجم الكوميديا الكبير حمدي الميرغني، اللي هيعمل إن شاء الله شغل رهيب، في الفيلم كعادته الجميلة.
واختتم تامر حسني: للأسف لسه مصورش علشان أنزل صوره، بس في أول يوم تصوير له ههريه صور، وانتظروا بعد أيام انضمام نجمة جميلة مميزة، من نجوم المستقبل اللي هيكون ليها مستقبل كبير إن شاء الله، وفرحان جدًا بانضمام الفنان الموهوب أوي مدحت إسماعيل اللي عامل دور زي العسل، وربنا يكتب له فيه كل النجاح، ويكرمه ويكرمنا معاه، والفيلم من إنتاج حبايب قلبي وأصدقاء العمر سينرچي أحمد بدوي تي إيتش برودكشن حسام حسني، سكاي ليميت أحمد الدسوقي.
أبطال فيلم بحبك
وفيلم بحبك بطولة مجموعة من النجوم أبرزهم: النجم تامر حسنى، هنا الزاهد، مدحت إسماعيل، حمدي الميرغني، هدى المفتي وغيرهم من النجوم الذين يتم التعاقد معهم خلال الفترة الجارية وسيتم الإعلان عنهم قريبا.
