هدى المفتي: تامر محسن صاحب الفضل عليّ.. وخوفي سبب تأخر خطواتي الفنية
شاركت الفنانة هدى المفتي، في ملتقى She Can الذي تنظمه مؤسسة Enterprenelle، حيث أقيم اليوم السبت بالحرم اليوناني في وسط البلد.
وتحدثت هدى المفتي، خلال الندوة عن بداية مشوارها الفني، قائلة: أول مرة كانت تجربة أداء وماتخدتش فيها، وبعدين خدت ورش تمثيل لحد ما قالولي أستاذ تامر محسن عاوز يقابلك، كنت مش مصدقة وقابلته فعلًا واختارني لدور نادين في مسلسل هذا المساء، وهو كان صاحب فضل عليا لأنه هو اللي اكتشفني.
تابعت: مسلسل كأنه امبارح، كان تاني عمل شاركت فئة مبسوطة أوي بيه ومن أكثر الأدوار اللي اتعلقت بيها، وعملتلي شعبية في دور لينا، وبعد كده جالي أدوار تانية كتير ولكن مكنتش بوافق.
وكشفت هدى عن بطئ خطواتها في مجال التمثيل، قائلةً: اللي خلى خطواتي بطيئة هو حرصي على اختيار الأدوار المناسبة، وكنت بدور على دور أقدر أتكلم فيه عن شخصية حساها أو مريت بيها وخطوتي بطيئة لكن ثابت.
وواصلت: بيفرق معايا الورق والشخصية اللي هلعبها كنت بختفي كتير بسب خوفي وقولت لازم اشتغل أكتر لكن الناس بتفتكرك بالحاجة الكويسة، في أدوار عملتها لكن متبروزتش فيها ومش ندمانة عليها أبدًا.
أعمال هدى المفتي الجديدة
يُعرض حاليًا لـ هدى المفتي مسلسل تحقيق، على إحدى المنصات الرقمية، وضم المسلسل العديد من الفنانين منهم أحمد مالك وخالد أنور ومي الغيطي وطارق عبد العزيز وتارا عماد وزينب غريب وعلي قاسم وفاطمة ناصر.
