مرتضى منصور يعلن عودة جنش لنادي الزمالك
أكد مرتضى منصور، رئيس نادي الزمالك، أن محمد أبو جبل مستمر مع نادي الزمالك خلال الفترة المقبلة.
أبو جبل أتكلمنا معاه ووافق على التجديد
وأضاف في تصريحات عبر برنامج "حضرة المواطن" مع الاعلامي سيد علي: أبو جبل اتكلمنا معاه ووافق على تجديد تعاقدة مع الفريق، وأشرف بن شرقي مستمر مع النادي خلال الفترة المقبلة ولا توجد أي أزمات نهائيا.
وتابع منصور: مش هتدخل في أمور التجديد، لو كل لاعب عاوز يمشي اتكلم معانا، وأنا قولتلهم لو حصل أي مشاكل في تجديد التعاقد هتدخل في التجديد.
الزمالك عاوز كل لاعب
وواصل مرتضى منصور: زي ما الزمالك عاوز كل لاعب أيضا كل لاعب يحتاج نادي الزمالك، ومحمود جنش أول لاعب هيرجع الفريق الموسم الجاي وأي قرار أخدته اللجنة السابقة لن يتم العمل به.
وأكمل رئيس نادي الزمالك: عمر كمال عبد الواحد حصل على مقدم التعاقد أيضا، وننتظر عودة محمد صبحي أيضا وهيكون في صفقات كبيرة خلال الفترة المقبلة، وأنا بدعم الأندية المصرية في بطولات إفريقيا.
وأكد مرتضى منصور، رئيس نادي الزمالك أنه يعترض على هجوم جماهير الزمالك على أي فريق خلال الفترة المقبلة.
وأضاف منصور: مفيش لاعب بيصنع اسم نادي الزمالك والنادي هو اللي بيعلي أسهم أي لاعب أو مسئول.
وواصل رئيس الزمالك: اسم مرتضى منصور مرتبط بالزمالك، واللي هيجدد بشروطنا أهلا بيه فوق دماغنا، واللي هيرفض هنشكره.. وكل لاعب كان في الزمالك أنا من قررت تحديد القيمة المالية له، والمفروض كل لاعب يشكرني مش يتعامل بالطريقة دي ولازم يكون في رد للجميل.
واختتم مرتضى منصور: مفيش نادي هيقف على أي لاعب والأهلي نفسه وكل الأندية الجماهيرية، واللي بيصنع التاريخ الجمهور فقط.
