أديب عن موجة ارتفاع الأسعار: ده مش وقت بيض أورجانيك كلّه بالبسطرمة بيبقى حلو
انتقد الإعلامي عمرو أديب، ما وصفه البعض بـ السلوكيات الشرائية الخاطئة في ظل ارتفاع أسعار السلع الغذائية.
وقال أديب: بقالي يومين تلاتة بحاول أشوف الغلاء العالمي؛ العالم ده بيعمل إيه؟ هو مواطن زيه زيك عنده غلاء في الغاز.. هناك الناس لأن معندهاش اعتمادية أوي على الدولة فاهمين أن السوق كدة كدة هيتحرك.
ده مش وقت بيض أورجانيك
وأضاف أديب خلال برنامجه "الحكاية" مساء اليوم الإثنين: "ده مش وقت بيض أورجانيك، ماله البيض العادي، كله بالبسطرمة بيبقى حلو مش لازم تشتري المنتج الغالي ما دام الأرخص منه نفس الجودة.. وعملوا استطلاع للأمريكان في أمريكا قالولهم انتوا متخيلين الأسعار زايدة ليه؟ أغلبهم قالوا السبب جشع وطمع الشركات الكبرى أن الزيادات اللي عملاها الشركات لا تتناسب مع الزيادات الناتجة عن الحرب.
وأكمل: أما عن أزمة العيش ليه مانرجعتش نخبز في البيوت زي ما كنا بنعمل من 100 سنة؟.
في ناس في أمريكا بدأت تعمل العيش بتاعها في البيت
وتابع الإعلامي عمرو أديب: النهاردة نما إلى علمي في أمريكا؛ واحنا كنا بنعمل دة من تريليون سنة؛ إنه فيه ناس في أمريكا بدأت تعمل العيش بتاعها في البيت.
