عبدالله رشدي: اللي سايب مراته تشتغل وهو قاعد في البيت مش راجل
شن الشيخ عبدالله رشدي، هجومًا على الرجال الذين يجلسون في بيوتهم ويتركون زوجاتهم يذهبن للعمل، مضيفًا: أنا مستاء من هذا الأمر الذي يتعلق بجلوس الرجال في منازلهم واعتمادهم علي زوجاتهم في العمل وكسب المال.
اللي سايب الست تشغل وقاعد في البيت راجل نطع
وقال عبدالله رشدي خلال بث مباشر له عبر صفحته الرسمية على موقع التواصل الاجتماعي فيس بوك: “معلش ياجماعة فيه نوع جديد من الرجالة لسه بتعرف عليه، هم في الحقيقة مقدرش أسميهم رجالة؛ لأن دول تنتفي عنهم صفة الرجولة، متابعًًا: الراجل اللي يقعد في بيته مينزلش بقي غير وهو خارج يقعد علي القهوة أو يشرب شيشة، أو خارج علشان يتفسح، وسايب الست هي اللي تشتغل وتصرف علي عليه قاعد في البيت، نطع”.
أي ست بتشتغل وتصرف علي جوزها والعيال تشتال من علي الأرض
واستكمل عبدالله رشدي: “في الحقيقة أي ست بتشتغل وتصرف علي جوزها والعيال، فهي امرأة نادرة الوجود وتحية لها وتشتال من علي الأرض شيل، مستطردا: الراجل المستنطع اللي قاعد في بيته ولا يريد العمل وتيجي مراته تقوله أنزل شوف شغل يقولها أنا مبشتغلش في حاجة أقل من مستوايا، يبقى نطع”.
وتابع عبدالله رشدي: “طيب لو مفيش شغلانة مناسبة لمستواك وعندك عيال وزوجة وبيت مين هيصرف عليهم، متسائلا: هل من الطبيعي تنزل الست تشتغل والراجل قاعد في البيت؟”.
واستطرد عبدالله رشدي: “أنت كدا بتسيبها اللي يغازلها وممكن تتعرض للتحرش كمان هتشوف رجالة تانيين وتبدأ تقارن بينك وبينهم وأنت كدا كثور لاهي في البرسيم، مضيفًا: اللي زي دا شخص كان قاعد في البيت ومترفه، ولم يكن يتحمل المسؤولية، لكن الأب والأم عليهما تعليم الأبناء تحمل المسؤولية”.
