كان نفسي أغنية أنت الحظ تكون بتاعتي.. أبرز تصريحات رامي صبري في أجمد 7
حل الفنان رامي صبري ضيفا أمس الخميس، على برنامج أجمد 7، والمذاع على نجوم إف أم، وكشف الكثير حول حياته الشخصية وتطرق لوفاة شقيقه كريم وكواليس غنائهما معًا، أغنية حالة اكتئاب، وسبب وفاة شقيقه، بالإضافة لرأيه في المهرجانات والراب والمشاهدات على يوتيوب.
أبرز تصريحات رامي صبري
-كان نفسي أغنية أنت الحظ تكون بتاعتي لأنها شخصيتي ونفس الغنا والكلام واللحن وبحسها بتاعتي.
-التصوير بشوفه متعب رغم إنه مهم عشان كدة مش بمثل.
-أغنية مع نفسي تعد كجزء ثاني من أغنيتى حياتي مش تمام.
أغنية مع نفسي ليست للحبيب فقط لأنها تذكرني بشقيقي كريم.
-الحتة الدرامية والذكريات والماضي دي بتاعتي وأنا بحب إني أعمل أغنية تلمسك وتخلي الدموع تنزل بسرعة.
-أغنية حالة اكتئاب كريم سمعهالي من سنتين، وهو بيغني كويس جدًا فقلت له طب ما تيجي نغنيها أنا وأنت فكان يقول لي أنا عاوز أطلع لوحدي مش عاوزك تساعدني، وغناها كـGuide قبل ما يموت بـ6 شهور تقريبًا.
-كريم أخويا اتعود على حاجات غلط زي مهدئات وكدة وكنا بنحاول نعالجه منها لأنه كان عصبي جدًا.
-الأساسي إني أسمع أغنيتي في الشوارع وفي كل مكان مش إنها تحقق 60 أو 70 مليون على اليوتيوب.
-اليوتيوب شوية بقى مزعج لأن لما تيجي تلاقي أغنية مهرجان رقم واحد وأغنية لنجم كبير في المركز الرابع مثلًا ده مش صح.
-الأغاني الكلاسيكية مكمّلة وظهور المهرجانات والراب أمر صحي.
-أحضر حاليا لطرح أغنية جديد بعنوان هي من ألحانى وكلمات نادر عبد الله وتوزيع جلال حمداوي ومن المقرر أن تصدر بعد عيد الفطر.
-أغنية هي سريعة وستايل جديد شبيه بالهاوس وجديدة وماحدش عملها ولا أنا كمان.
