عادل إمام تدخل لتغيير شخصيته في عوالم خفية.. أبرز تصريحات المؤلف أمين جمال في برنامج حروف جر
حل المؤلف أمين جمال ضيفا في برنامج حروف الجر الذي يقدمه الإعلامي يوسف الحسيني عبر إذاعة نجوم إف إم، وتحدث أمين جمال عن المداح 2، ورأيه في الأعمال السينمائية التي تقدم في الوقت الحالي، ورأي الفنان عادل إمام في عوالم خفية.
ويرصد القاهرة 24 أبرز تصريحات أمين جمال في برنامج حروف جر
ـ عادل إمام قال لنا في مسلسل عوالم خفية اجعلوا البطل كاتب صحفي.
ـ الكاتب الصحفي متعارف عليه أكتر للجمهور البسيط أكتر ممن يكتب روايات.
ـ مش بحب يكون في تعالي على الجمهور.
ـ أعشق عاطف الطيب والسينما الخاصة به لأنها قريبة من الجمهور.
ـ اكتشفت وأنا عندي 36 سنة إني مش شاب للجيل الحالي.
ـ بقيت أتكلم مع أصحاب شقيقي وتفكيرهم مختلف عن اللي بكتبه.
ـ جيل الـ 12 و13 سنة مش أطفال وعاشوا فترات لم نرها.
ـ في السينما الأفلام الأجنبي هي الكومبليت.
ـ الصناعة أصبحت مكلفة جدًّا خاصة في السينما.
ـ الجيل الحالي بيحب الصورة، يحب فيلم مثل الجزيرة وأفلام أحمد حلمي.
ـ الجيل الحالي ناقد ولن يعجبه العجب بالأخص من سن 14 إلى سن 18.
ـ ويجز له شعبية من سن 14 إلى سن 21 سنة.
ـ الأفلام الأخيرة فيها صورة حلوة بس مفيش موضوعات مهمة.
ـ الأفلام الحالية مش زي أفلام التسعينيات في رقابة بتحكم.
ـ الإنتاج الحالي مش بينتج هذه النوعية.
ـ معجبنيش فيلم سبايدرمان واللي عجبني الصورة.
ـ الفيل الأزرق والممر أفلام فيها صورة وقصة مميزة.
ـ أحمد عز من أهم النجوم في الوقت الحالي.
ـ أتابع في رمضان 2022 مسلسل المشوار، مكتوب عليا، راجعين ياهوى، فاتن أمل حربي، توبة، الكبير.
ـ عملنا جزء تاني من المداح بسبب نجاح الجزء الأول.
ـ حمادة هلال قالي نعمل الجزء الثاني ويعرض على منصة من 10 حلقات.
ـ حمادة هلال كان خايف من عرضه في رمضان.
ـ رمضان 2021 كان فيه منافسة أكتر من رمضان 2022.
ـ الناس بدأت تقتنع أن فيه مداح.
ـ الناس معتقدة أن صابر المداح شخصية حمادة هلال الحقيقية.
