بنفسن عليه من زمان.. عمرو أديب يعلق على إعلان عمرو دياب للبريد المصري
علق الإعلامي عمرو أديب، على إعلان الفنان عمرو دياب للبريد المصري قائلًا: عمرو دياب ليس قادر فقط على الإبهار بل قادر على الذهول.
إعلان البريد المصري
وقال عمرو أديب، في تصريحات تلفزيونية: لما نتفرج على إعلان البريد المصري؛ تلك المؤسسة العريقة التي نفخر بها جميعًا، والذي يقدمه الميجا ستار عمرو دياب، لا بد أن نقف أمام أكثر من شيء.
وتابع: لما نشوف زملاء عمرو دياب اللي كانوا معاه في المدرسة، هنلاقي فيه حد فيهم عنده الركب دي؟ أو يعرف يجري الجري ده؟.
اللي بنشوفه خارق للعادة وغير طبيعي
وأضاف عمرو أديب: اللي بنشوفه خارق للعادة وغير طبيعي، احنا أمام سوبر دياب، ده أنا لما قرص الدوا بيوقع مني مبقدرش أوطي أجيبه وبسحب واحد تاني بداله، عمرو دياب بيقول أنا موجود.
وأكد عمرو أديب قائلا: من سنة 95 وعمرو دياب ميجا ستار والمرحلة الثانية لعبد الحليم حافظ ومفيش حد وصل للمرحلة دي في مصر والعالم العربي.
وأكمل أديب: عمرو دياب أنا بنفسن عليه من زمان وده مش حسد، واحتمال نشوفه العام المقبل في إعلان مع حفيده ونشوفه بيجري في نفق الأزهر بنفس اللياقة.
