طارق الشيخ: ما عملتش فلوس لكن عملت اسم.. وبحزن أحيانًا لأني مش بقدر أوفَّر كل المتطلبات
قال المطرب الشعبي طارق الشيخ، إنه لم يحقق أموالًا من عمله في الغناء؛ لكنه صنع اسمه، مشيرًا إلى أنه راضٍ بما حققه.
وأضاف طارق الشيخ، خلال حديثه ببرنامج سابع سما، تقديم الإعلامية راغدة شلهوب: عمري ما فكرت في الفلوس؛ لأن أنا كنت بكسب ألوفات، وقت ما كان أي حد من المغنيين الجداد ومطربي المهرجانات بياخدوا مصروف، وأنا ما عملتش فلوس، لكن عملت طارق الشيخ، وعايش أحسن من أي حد في الدنيا.
وأضاف طارق الشيخ: ولادي وصحابي بيقولولي إني ما حققتش ربع اللي حققه مغني المهرجانات، وأحيانًا بشعر بالضيق؛ لأن بتكون في متطلبات مش قادر أوفرها.
ووجه طارق الشيخ، رسالة إلى المطرب عمر كمال، طالبًا منه أن يكون أكثر حرصًا من استعراض سياراته وغيرها.
وأضاف: العين أقوى من السحر، ما حدش هيبص لك، بس في ناس ممكن تحسبها معاك حسبة تانية، وربنا يحرسك.
وخلال حديثه عن حسن شاكوش؛ قال: إن هناك كثير من المشاكل مع مطربي المهرجانات، مضيفا: الفنان ما يعملش مشكلة، اللي بيعمل مشاكل؛ يبقى مش فنان، لأن الفنان يطلعني من مشكلة عندي، ومش حسن بس، ده الكرو كله غاويين مشاكل؛ لأن حسبتهم فلوس.
كما وجه نصيحة إلى حمو بيكا، قائلًا: حمو إنسان طيب، بعتب عليه؛ لأنه مندفع جدًا، وفي النهاية ما حدش بينفع حد، كل اللي بيسخَّنك مش هينفعك، وكل ده هييجي على دماغك، مش على دماغ أي حد.
