شيرين رضا عن رفض التلامس في الأعمال الفنية: دوروا على مهنة تانية.. بلاش هبل
علقت الفنانة شيرين رضا، على رفض بعض نجوم الفن التلامس في أعمالهم الفنية، حيث طالبت هؤلاء النجوم، بعدم العمل في الفن، وأن يبحثوا عن مهنة أخرى ليس بها تلامس، يحققون فيها أهدافهم.
وتحدثت شيرين رضا عن رأيها في رفض بعض التلامس، خلال حوارها في برنامج حبر سري، قائلة: اشتغل في مهنة غلط، دخل المجال بالغلط، روحوا دورولكم على شغلانة تانية، ده كلام عبيط، روح اشتغل حاجة تانية، أنت جاي بتعلي علينا يعني، ما دام بنلمس بعض إحنا أقل منك، بلاش هبل، روحوا دورا على مهنة تانية متلمسوش فيها حد.
تصريحات شيرين رضا
كما كشفت شيرين رضا رأيها في تقديم بعض المشاهد الجريئة، قائلة: في قصص مش محتاجة مشاهد جريئة، ولو اتعرض عليا مشاهد جريئة هقدمها، ما دام رضيت بالفيلم، هل إحنا أمريكان، العادي لا ينطبق علينا، إحنا عندنا حاجات ممكن نقدمها ومقبولة لأننا مجتمع شرقي.
وتابعت شيرين رضا: إحنا عندنا المشاهد الجريئة من أول ما السينما اتعملت، احنا مدخلناش حاجات جديدة، إحنا شيلنا حاجات من السينما، التدين الظاهري، هو السبب في التغيير بالمجتمع المصري.
شيرين رضا
وأشارت شيرين رضا، إلى أن هناك 70 % من السيدات غير مؤهلين للإنجاب، قائلة: 70 % من الناس بين الرجالة والستات مش مؤهلة تخلف، الست بتخلف عشان تربط الراجل، والراجل بيخلف عشان يكون عنده ولد على اسمه، عمرنا ما هنحس بالتنمية والتقدم اللي بيحصل في البلد طول ما احنا عمالين نخلف.
