هو من اكتشفني.. محمد هنيدي يحكي موقفا طريفا مع صاحب شخصية الدليفري بـ صعيدي في الجامعة الأمريكية
تحدث الفنان محمد هنيدي عن بداياته الفنية، موضحًا أن الفنان هشام منصور، هو من اكتشف موهبته في التمثيل منذ دراستهما في كلية الحقوق.
وأشار محمد هنيدي إلى علاقته بالفنان هشام منصور، أثناء إجابته على أسئلة الجمهور عبر فيسبوك، قائلًا: عارفين هشام منصور الممثل؟ اللي كان عامل في صعيدي في الجامعة الأمريكية مشهد هي دي شقة المعلم فوزي ومراته الجديدة، أول يوم في حقوق هو كان رئيس فرقة التمثيل فلقيت واحد جاي بسرعة كدة عليا وبينهج وكأنه هيضربني، بيقولي أنت عايز تمثل؟! بقوله إيه؟ قالي نفسك تمثل ؟ قولت له مش فاهم؟ قالي اسمك ايه اسمك إيه وبيزعق كده، قلت له محمد هنيدي، قالي خد أملى الورقة دي، قلت له ورقة إيه؟، قالي املاها من غير كلام.
وأضاف: طبعا أنا خوفت خصوصًا إنه كان أطول مني، بعدها تاني يوم بليل كده، لقيت الباب بيخبط، بفتح لقيته ع الباب وبيسألني.. هي دي شقة محمد هنيدي؟ قولت له يخرب تيك أنا محمد هنيدي أنت إيه اللي جابك، قام قايلي مش تكتب عنوان صح بقالي 3 ساعات بدور عليك، انتوا طابخين إيه؟! دخل وكال معانا ومن يوميها بقى صاحبي وحبيبي.
آخر أعمال هنيدي
طرح هنيدي مؤخرًا فيلم الإنس والنمس مع الفنانة منة شلبي، وحقق من خلاله إيرادات مرتفعة، تخطت حاجز الخمسين مليون جنيهًا، ويعد ذلك الفيلم آخر أعماله الفنية.
