حاتم عمور: لا يوجد خلاف بيني وبين سعد لمجرد.. وأستعد لتقديم أغنية باللجهة المصرية
تحدث المطرب المغربي حاتم عمور، عن خلافه مع المطرب سعد لمجرد، موضحا أن الجمهور هو من زعم هذا الأمر بسبب تدوينة كتبها أحد المقربين من لمجرد تسئ لـ عمور.
وقال حاتم عمور، أثناء حلوله ضيفا في إحدى البرامج التلفزيونية: مفيش خلاف بيني وبين سعد لمجرد، والصحافة بتستنج ده من الجمهور، وفي مرات الجمهور بيكتبوا حاجات وهمية، الأمر كان إن المنتج بتاع سعد لمجرد كتب تديونة تسئ لي، وأنا كلمت سعد وقولت له حرام اللي كتبه، واعتذر المنتج وأنا قبلت اعتذاره، أنا من أول ما كسبت برنامج في 2005 يعني من حوالي 17 سنة، وهو صاحبي وبيدعمني ومفيش أي حاجة، وعمر ما كان في بيني وبينه أي سوء تفاهم، وهو حبيب قلبي.
أما عن تعاونه مع سعد لمجرد فقال حاتم عمور: كان في أغنية اسمها ما يستاهلني عجبت سعد، وقالي نعمل كده، وأنا يشرفني أعملي أغنية مع ابن بلدي وصاحبي وصديقي، والحاجة اللي خلتنا منعملش الأغنية هو الفيديو كليب لأنه مكنش يقدر يجي المغرب هي هذا الوقت.
كما كشف أغنيته الجديدة التي ستكون باللهجة المصرية لأول مرة في مشواره الفني، وتعاونه مع المطرب اللبناني زياد برجي في ديو غنائي، باللهجة اللبنانية والمغربية، ومن المقرر طرحه خلال الفترة القليلة المقبلة.
كما تحدث حاتم عمور، عن زوجته، موضحا أنها كانت صديقته قبل زواجهم: هي مكنتش مديرة أعمالي قبل زواجنا ولكن كانت صديقتي، وكانت في أي حفلة بتعملي ملاحظات وبتاخد بالها مني فاقترحت عليها تسيب شغلها، وبعد ما اتجوزنا قررت تسيب الشغل وتمسك إدارة أمالي وماشين خطى تصاعدية.
وأضاف حاتم عموري: هي اللي بتديني مرتبي كل فلوسي ليها مفيش حساب بين الأحباب، هي بتاخد زمام الأمور وإدارة الأعمال والميزانية وأنا متفرغ لفني وبس.
