الرئيس السيسي: كل كلمة في الاختيار والله حصلت حقيقي
قال الرئيس عبد الفتاح السيسي لـ أبطال مسلسل الاختيار: بحب أشكركم بمناسبة العيد، واللي انتوا عملتوه كان جزء كبير منه لصالح الأبطال والشهداء عشان اللحظات دي تعيش.
وتابع الرئيس السيسي: إحنا قولنا إن التاريخ منسيبوش لحد، والله والله والله إحنا كنا حريصين على إنه لا يسقط ولا يحصل تصادم، واللي انتوا عملتوه ده حصل حقيقي.
وذكر السيسي لأبناء الشهداء: إحنا لم نعتدي ولم نعتدي ولم نطغى على أحد، وكل كلمة اتقالت (في مسلسل الاختيار)، عبارة عن واقع يتم نقله للناس وللأطفال وللأجيال القادمة، عشان أبناء الشهداء يطلعوا يقولوا إحنا أبناء الأبطال دول، والعمل الدرامي بألف كتاب وبألف ساعة حوار، مضيفا في حديثه لأبطال الاختيار: انتوا متعرفوش اللي انتوا عملتوه ده اي، حتى البيان اللي كتبناه كنا حريصين لأخر لحظة إنه ميحصلش صدام، ولم نذكر كلمة عزل رئيس أو جماعة إرهابية.
احتفالية عيد الفطر
ودعت الإعلامية جومانا ماهر خلال احتفالية عيد الفطر بحضور الرئيس عبد الفتاح السيسي، أبطال مسلسل الاختيار.
وعرضت الاحتفالية المشاهدة الأخيرة من مسلسل الاختيار "القرار" أثناء حديث ياسر جلال متجسدا شخصية الرئيس السيسي للإخواني خيرت الشاطر بشدة عن قوة الجيش المصري.
كما عرضت الاحتفالية مشهد إلقاء الرئيس السيسي بيان الـ3 من يوليو واجتماع الرئيس مع القوى السياسية.
وبدأت منذ قليل، فعاليات احتفالية أبناء الشهداء بعيد الفطر المبارك، بحضور الرئيس عبد الفتاح السيسي.
وأدي الرئيس عبد الفتاح السيسي صباح اليوم، صلاة عيد الفطر المبارك، فى مسجد المشير طنطاوي فى التجمع الخامس.
وتحتفل الدولة المصرية والعديد من الدول الإسلامية والعربية، اليوم الاثنين بعيد الفطر.
