مجتمعنا شايف أنه عادي.. تفاصيل تعرض الإعلامية سالى عبد السلام للتحرش | فيديو
تعرضت الإعلامية سالي عبد السلام للتحرش من قبل شخص أثناء تواجدها بسيارتها بجانب صديقتها في إحدى الأماكن العامة.
ونشرت سالي عبد السلام، على حسابها الرسمي بـ انستجرام فيديو، وهي تصور الشاب الذي يحاول يشهر بها في إحدى الأماكن، وقالت: مش هديك حاجة ومتتكلمش معايا ومتزودش، مضيقة أو مش مضيقة حاجة متخصكش، تعالى أه سالي عبد السلام اللي هزقتك.
وكتبت سالي على الفيديو: ده واحد وأنا قاعدة من شوية في العربية ومنزلتش حتى بشرب كوفي أنا وريم صاحبتي في البنزينة اللي جمب بيتي جه يستظرف معاكي شاحن رديت بكل أدب لا وداخل بدماغه يشوف بعدها أنت مضيقة ليه، قولت له حاجة متخصكش واتفضل أمشي، لاء متكلمنيش كدة قولت له اتفضل من هنا، مفيش ولسه هيقل أدبه ويستظرف تاني صورته فيديو.
وأضافت سالي: لما الناس اتلمت بيقولهم كنت بطلب شاحن، ما الناس اتلمت بيقولهم كنت بطلب شاحن الرجالة بقيت بتقوله هو معلش، السؤال هل هو العادي أن أي حد ممكن يكلم بنات، ويستظرف ويدخل جوا العربية وعايزنا نسكت ليه إحنا حصلنا إيه، السؤال بقى هو مين ده وهل ده عادي في بنات هتقبل ده عادي مجتمعنا شايف أنه عادي ولما أقوله امشي ميمشيش.
أعمال سالي عبد السلام
ومن ناحية أخرى تقدم سالي عبد السلام برنامج قصة حقيقية على قناة الأولى، وهو برنامج اجتماعي يناقش العديد من القضايا المجتمعية.
