مسلم يطرح أحدث أغنياته بعنوان مين كان سبب على يوتيوب |فيديو
طرح المطرب مسلم، أحدث أغنياته بعنوان مين كان سبب، عبر صفحته الرسمية بموقع الفيديوهات الشهير يوتيوب، وهي من كلمات وألحان مسلم وتوزيع موسيقى على الدين عمر وإخراج أحمد ماريو، وتوزيع شركة ديجيتال ساوند، وهي من نوع الأغاني الدرامية الحزينة.
كلمات أغنية مين كان سبب
وتقول كلمات الأغنية:وقفت ساعات الكون بتبكي في بعدها.. حتى الهوا مبقاش يغازل السما.. مين كان سبب
وقفت دموعي ف وقتها، ساعة الوداع.. حتى أنا.. ما بقتش أنا.. مين كان سبب.. وقفت بكل ما فيها تنهي المسألة،
مشيت وروحي عندها.. أنا كنت إيه من قبلها.. والحبر دايب ع الورق.. صورنا لما حرقتها.. غريبة قلبي اللي اتحرق.
عينك رصاص وغريبة لما قتلني كان مسموح.. لعيوني يبكوا لكن ماخوفتش وقتها من الموت.. فضلت متعلق ف حضن الوقت لما يفوت.. كان الوداع يشبه فراق الروح.. بتقول عشآن ترتآح.. ؟هتسيبني للأيآم.. ويهون عليآ انسآك..وتسيب في نفسي ودآع.. باين في عينك إني مش صعبآن عليكي أكيد.. طب ودعيني، قبل اما تمشي ولو بحضن اخير
انا كنت عارف من البدايه إنك ما حبتنيش وفضلت متعلق بحلم بعيد.. ما وصلنيش.. وقفت بكل ما فيا، اراضي ف كبرها
كإنه ذنبي مش ذنبها.. يارتني موتت في وقته.. من امتى دمعي كآن فرق، كل اللي كان بيننا انتهى.. رجع لي عمري اللي اتسرق.
من ناحية أخرى، من المقرر أن يحيي مسلم، حفلًا غنائيًا في ساقية الصاوي، غدًا السبت، 4 يونيو، ومن المقرر أن يغني خلال الحفل أغنية مين كان سبب لأول مرة، وروج مسلم للحفل من خلال حسابه الرسمي بموقع فيس بوك، إذ نشر بوستر للحفل، وعلق عليه قائلًا: مستنيكم في ساقية الصاوي -الزمالك يوم السبت الجاي هنغني مع بعض مين كان سبب لأول مره بعد ماتنزل.
