عمرو أديب عن هزيمة الأهلي من الوداد: الدنيا خربت مفيش كدة في العالم
علق الإعلامي عمرو أديب، على هزيمة النادي الأهلي أمام الوداد المغربي في نهائي دوري أبطال إفريقيا، وقال خلال برنامج الحكاية، مساء اليوم الجمعة: الأهلي اتغلب الدنيا خربت، إزاي يا جماعة، الأهلي يتغلب عادي ويخسر زي كل فرق العالم وننسى ونفكر في اللي جاي، ليه الأهلي مش متقبل الخسارة مفيش كدة في العالم.
الأهلي اتغلب الدنيا خربت
وأضاف أديب: يا جماعة دي الكورة، بس الأهلي معندوش الكلام دا، أنت ممكن تتغلب عادي وتكسب عادي وتقبل الهزيمة، لا أنت أحسن من برشلونة وليفربول، ولا أحسن من البرازيل ولا البرتغال.
ليه ترمي الميدالية
وتابع أديب: فجأة تتحول مصر اللي طبيب يطبطب على الأهلي ومعلش يا أهلي، فيه إيه يا جماعة، فرقة اتغلبت وخدت المركز التاني ليه ترمي الميدالية، لا تتغلب وتكسب دا طبيعي وتتقبل الهزيمة، ما انت ممكن تتغلب عادي في الدوري المصري.
وتوج الفريق الاول لكرة القدم بنادي الوداد المغربي، بلقب دوري أبطال إفريقيا للمرة الثالثة فى تاريخه، بعد الفوز على الأهلي بهدفين دون رد، في المباراة التي جمعت بينهما على استاد مركب محمد الخامس في نهائي دوري أبطال إفريقيا.
