طفلة تتبرع بالعيدية لحضانات مؤسسة مرسال: دفعت 400 جنيه وربنا هيبعتلي فلوس أكتر
نشرت هبة راشد، مؤسس جمعية مرسال الخيرية، فيديو بصحبة طفلة صغيرة تدعى صبا، تبلغ من العمر 9 سنوات، في الصف الثالث الابتدائي، تعلن فيه تبرعها بمبلغ مالي قدره 400 جنيه، لصالح حضانات مرسال للأطفال.
طفلة تتبرع بمكل ما تملك لمرسال
وقالت الطفلة، عبر بث مباشر على صفحة هبة راشد الرسمية بموقع التواصل الاجتماعي فيسبوك: أنا أسمي صبا، عندي 9 سنين، في 3 ابتدائي، وهدي العدية بتاعتي لمرسال، عشان أنا عندي هدف، لو أنا أديت العيدية بتاعتي لمرسال، ربنا هيدني فلوس أكتر.
وأضافت الطفلة: ماما قالت لي، لو اتبرعت بصدقة، وصليت واستغفرت ربنا، ربنا هيجيب لي اللي أنا عاوزاه، وهدي العيدية بتاعي 400 جنيه، عشان نساعد بيهم في حاضانات مرسال للأطفال.
نفسها في بلاي ستيشن
فيما نشرت راشد منشور آخر، قائلة: صبا تبرعت بالعيدية بتاعتها كلها لحضانات مرسال علشان نفسها ربنا يرزقها بالي بتتمناه، اللي هو بلاي ستيشن، يا رب يرزقها كل اللي بتتمناه وأنتم يا رب يحقق كل أحلامكم.
تعليقات السوشيال ميديا
وتضامن العديد من المتابعين، مع تبرع صبا، فعلق حساب باسم رشا: حبيبة قلبي، ربنا يبارك فيها ويرزقها أضعافهم، فيما قالت نانسي عبد ربه: برافو يا صبا.
وعلق آخر: ما شاء الله، القمر الصغير، كبرت ربنا يحفظها، بالإضافة إلى وسام خير، التي قالت: ربنا يسع قلبك.
وكتب يوسف محمد: بسم الله ما شاء الله، ربنا يحفظك يا صبا، بينما علقت مها محمد: إن شاء الله يا صبا تجيبي، أحسن بلايستيشن قريب، ما شاء الله، ربنا يحفظها، وكتب محمد حبيب: ربنا يبارك فيها.
