أمير مرتضى: لن أكون سعيدًا بهجوم الجماهير على اللاعبين.. لكن الكل يرى كل شيء
انتقد أمير مرتضى منصور، المشرف العام على الكرة بنادي الزمالك، لاعبا الفريق الأبيض، طارق حامد ومحمد أبو جبل.
تصريحات أمير مرتضى منصور
وقال أمير مرتضى منصور، في تصريحات عقب مباراة سيراميكا كليوباترا، إن طارق حامد ومحمد أبو جبل صفحة وانتهت مع الزمالك، حتى لو ببلاش.
وأضاف أمير مرتضى: أكيد مش هبقي سعيد بجمهور النادي وهو بيهاجم اللاعبين بس هم شايفين كل حاجة.
وتابع المشرف على الكرة بنادي الزمالك: يعني إيه لاعب يلعب كام ماتش وياخد ثلاثة إنذارات عشان يتوقف وياخد أسبوع راحة يروح يقعد 50 يوم والدكتور متضايق من الأمر وفيريرا والمجلس وقطاع الكرة.
وواصل أمير مرتضى: كل ما أطلب التقارير والأشعة طارق حامد يقول بكرة وبعده أصله على الإيميل، وفي الآخر بعت ورقة لا تعني أي شيء بعد العودة لمصر.
وأردف أمير مرتضى: لاعب أخر مضى مع أحد الأندية ولما خرج من حساباتهم جاي بخبط على الإدارة عشان يجدد مع الزمالك.
وأكمل حديثه: أشرف بن شرقي لاعب محترم وقعدنا معاه وفي الأول طلب الحصول على مستحقاته المتأخرة وده حقه.
وأزاد: في حاجة لأول مرة هقولها المستشار مايعرفهاش، بن شرقي قالي أنا عشت سنة صعبة وممكن أجدد بعد الانتهاء من الانتخابات لو أنتم ضامنين تقعدوا.
واختتم أمير مرتضى: أخر مرة اعتذر أشرف بن شرقي، إنه يكمل معانا ويجدد لكنه ملتزم ومنتظم وله كل التقدير والاحترام.
