قبل طرحها.. رامي صبري: أغنية أنتي جنان جديدة ومختلفة عن المسموع
شوَّق المطرب رامي صبري، جمهوره، بـ أغنيته الجديدة: أنتي جنان، والمقرر أن تطرح يوم 7 يوليو الجاري.
وكتب رامي صبري، منشورًا عبر حسابه الرسمي على فيسبوك، قال فيه: حبايبي، مساء الفل عليكم، أنا عارف إن أغلبية الأغاني اللي بنزلها بتبقي غريبة عليكم، وعلى اللي متعودين عليه مني، ولكن أنا شخص بيحب التطوير في الشغل، يعني عمرك ما هتسمع مني أغنيه شبه التانية أبدًا، وده تميزي بين الآخرين.
وتابع رامي صبري: أغنية أنتي جنان، أغنية جديدة عن المسموع تمامًا، من حيث الكلمة واللحن والـ music بتاعتها، وهي من توزيع جلال الحمداوي، وده موزع مغربي عربي عالمي، المقصود إن أنت جاي هنا تسمع حاجة مختلفة وجديدة، عمري ما هقدر أسمَّعك قديم، عايز قديم؛ عندك مغنيين كتير أوي، وأحسن مني كمان.
وأضاف رامي صبري: ولكن صدقني، أنا من الفنانين المتجددين، وليس من الفنانين اللي بينزلوا أغاني جديدة فقط، أغنيه أنتي جنان، أغنية جميلة، أغنية صيفية مبهجة، افرحوا واتبسطوا بيها، وبلاش انتقادات وخلاص، ملحوظة: ليه كتبت البوست ده؟؛ عشان اللي مش فاهم يفهم مين بيعمل.
آخر أغاني رامي صبري
وطُرحت أغنية: هي، للمطرب رامي صبري، منذ 3 أسابيع، وحققت نجاحًا كبيرًا عبر موقع يوتيوب، وجاءت كلماتها كالتالي: هي هدية ليا متهادية مكافأتي من الدنيا ديه، مفاجأة حلوة من الزمان خلتني أفرح كمان فرحة طفل بعدية.
