دينا الشربيني عن شائعات خطفها رجلا من زوجته: امتنعت عن الرد عامين.. ومش على راسي بطحة
تحدثت الفنانة دينا الشربيني، عن الشائعات التي طالتها خلال السنوات الماضية بشأن خطفها زوج صديقتها كما زعم الجمهور من قبل، موضحة أن هذا الأمر ليس حقيقي وأنها امتنعت عن الرد لمدة عامين.
وقالت دينا الشربيني، خلال حوارها مع الإعلامي الإماراتي أنس بوخش، في برنامج AB TALKS المذاع عبر موقع يوتيوب: في فترة طويلة أوي مثلًا سنتين في حياتي، مش عايزة احكي القصة ولكن هقول الكلام اللي بيتقال، كان الناس بتقول إني أخدت حد من حد.. ده مكنش حقيقي خالص، والوقت ده صحابي قالوا لي قولي إن الموضوع ده كان خلص من سنين طويلة وإن مفيش حاجة، ولكني قررت متكلمش.
وعن سبب امتناعها عن الرد لمدة عامين، أوضحت دينا الشربيني قائلة: مش حياتي لوحدي ومكنتش هقدر أطلع اتكلم عن حياة أشخاص، إحنا كنا مع بعض ومش على رأسي بطحة لأرد على تلك الشائعات، مع إني عارفة إن في ناس كتير كرهوني بسبب الموضوع ده اللي هو مش حقيقي.
وأضافت دينا الشربيني: أنا في حياتي عمومًا بسيب اللي يتكلم يتكلم، وناس كتير بتقولي ده غلط، وإني محتاجة أطلع أتكلم، أنا مش عايزة أعمل كده، ولا أركز مع الحاجات القديمة، أنا عايزة أركز في شغلي وأهلي والناس اللي بحبهم، هما دول اللي فارقين ليا وهما دول اللي عارفين دينا تعمل إيه ومتعملش إيه.
