الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

دينا الشربيني: وفاة هيثم أحمد زكي أسوأ اللحظات في حياتي

دينا الشربيني
فن
دينا الشربيني
الأربعاء 13/يوليو/2022 - 01:49 ص

أعربت الفنانة دينا الشربيني، عن حزنها لفقدانها صديقها الفنان الراحل هيثم أحمد زكي، الذي رحل عن عالمنا عام 2019، مؤكدة أن تلقي خبر وفاته كانت اللحظة الأصعب في حياتها.

 

وقالت دينا الشربيني، خلال حديثها مع الإعلامي، أنس بوخش، مقدم برنامج AB Talks، المذاع عبر موقع يوتيوب: أصعب لحظة في حياتي لما واحد صاحبي أوي توفى، توفى في البيت جاله هبوط، ده هيثم زكي الله يرحمه، كنت أعرفه من زمان، بكره فكرة الموت، مش عايزاها أصلًا تيجي في دماغي، ولكن الموت بيجي في ثانية.

 

وتابعت دينا الشربيني: هيثم كنا كلنا بنحبه جدًا بس يمكن هو مكنش عارف إحنا قد إيه بنحبه، فساعات ببقى عايز بس الوقت يرجع اقوله أنا بحبك، وبعدين أمشي لو عايز.

 

وأضافت دينا الشربيني: المتوفي ممكن يكون في حتة أحسن ومرتاح بس بيوجع اللي حواليه هما اللي عايشين ده، بس هما أكيد مرتاحين، دايمًا بقول لأي حد أعرفه فقد حد عزيز منه، حطوا في دماغكم إن الشخص ده سافر.

 

كما أشارت دينا الشربيني، إلى أن الشعور بالموت والوحدة هما أكثر شيء تخاف منه قائلة:  بخاف من الوحدة والموت، الوحدة أكتر إحساس بيخوفني ومش بحبه، مش عايزة لما أكبر أعيش لوحدي، أكيد هيبقى نفسي في حد ياخد باله مني، لما بشوف حد كبير في السن لوحده مبتمناش أبقى كده، ومفيش حد يتمنى يكون كده.

تابع مواقعنا