رحمة حسن تكشف تعرضها للتحرش إلكترونيًا: متابعني على مدار سنتين
كشفت الفنانة الشابة رحمة حسن تفاصيل تعرضها للتحرش إلكترونيًا عن طريق وسائل التواصل الاجتماعي المختلفة على السوشيال ميديا، مشيرةً إلى أن المتحرش ظل يتابعها على مدار عامين.
وكتبت رحمة حسن منشورًا عبر حسابها الشخصي بموقع انستجرام، إذ قالت: الشخص ده من سنتين وهو بيبعت رسايل غريبة وبيعمل حاجات غريبة وبيضايق كل صحباتي البنات، لو نزل صورة أو حاجة معاهم وحتى الناس اللي بشتغل معاهم أو أصحابي في العادي بيدخل يدورعلى الأكونتات بتعتهم ويبعتلهم أغاني وحاجات غريبة ويسأل عني أنا وبروح فين.
بقالي سنتين على الحال ده
وتابعت رحمة حسن: كل أصحابي مش واحد بس عمل كده مع أكتر من حد.. متتبع الأماكن اللي بروح فيها ومش عارفة بيعرف منين أنا بقالي سنتين على الحال ده آخرها المكان اللي كنت مفروض أروحه بكرة عشان شغل.
وكشفت رحمة حسن مؤخرًا تطورات حالتها الصحية، بعد إصابتها بعضة كلب، إذ نشرت صورة لها عبر انستجرام وعلقت كاتبة: الصورة دي عشان أطمن الناس اللي سألت عليا، إن شاء الله هبقى كويسة واحدة واحدة.
وأكدت رحمة أنها ما زالت تستكمل الحقن والتغيير على الجرح يوميًا، إذ أوضحت: أنا لسه بكمل الحقن وبغير على الجرح كل يوم بس الصورة دي عشان تطمن أصحابي وكل الناس الغاليين، شكرًا جدًا، ادعولي أبقى أحسن حقيقي.
