الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

هدى المفتي: تامر حسني إنسان أوي.. والناس بتحس إني مُخيفة بسبب السوشيال ميديا

هدى المفتي
فن
هدى المفتي
الخميس 18/أغسطس/2022 - 11:56 م

تحدثت الفنان هدى المفتي، عن تجربتها في فيلم بحبك، وتعاونها لأول مرة مع الفنان تامر حسني، مؤكدة أنها استمتعت كثيرًا بالعمل رفقته.

وقالت هدى المفتي، خلال حوارها مع الإعلامية منى الشاذلي، في برنامج معكم، المذاع عبر قناة CBC: تامر حسني إنسان أوي وعنده أخلاق أوي، يعني بيحس بالناس يعني ممكن أروح أتكلم معاه في أي وقت في أي حاجة، مثلًا لو تعبانة هروح أتكلم معاه وأقول له أنا تعبانة ومش قادرة أعمل المشهد لأني مش محضرة له، وأهم حاجة عنده تبقي مرتاحة، أنا عمري ما سمعت تامر بيزعق في اللوكيشين غير لو هزار، وهو على طول بيهزر.

وكشفت عن تفاصيل مشاركتها في فيلم بحبك، قائلة: كلمني حد تبع تامر، وكانت مكالمة غريبة جدًا قالولي أستاذ تامر حسني عايزك يقابلك علشان شغل، روحت وقعدت معاه أتكلم معايا في كل حاجة ومجبش سيرة الشغل خالص، وأنا عمالة أقول هو هيتكلم في الشغل أمتى؟، وأول ما وصلت البيت كلموني قالوا أستاذ تامر حسني عايزك كمان نص ساعة في اجتماع.

وتابعت هدى المفتي: روحت تاني يوم، وكلمني على قصة الفيلم كلها وعجبني أوي، وقالي أنا عايزك في دور ياسمين، وقابلتك بنفسي الأول لأني كنت متوقع إني هقابل إنسان وقابلت إنسان تاني، وأنا بحب أتعرف على الأشخاص الأول وأعرف شخصيتهم.

وأضافت، أن الجمهور يرى أنها شخصية غامضة بسبب صورها على مواقع التواصل الاجتماعي: الناس بتحس إني شخص مخيف شوية يمكن من السوشيال ميديا، ولكني مش كده خالص، بس أكيد مش هنزل صورة شكلي أهبل فيها، وكمان أنا من النوع اللي مبيتكلمش كتير على الاستوري لأني شخص خجول جدًا. 

فيلم بحبك

ضم فيلم بحبك لـ تامر حسني، العديد من النجوم أبرزهم: هنا الزاهد، تامر حسني، فرح زاهد، هدى المفتي، مدحت إسماعيل، أحمد عزمي،  والعمل من تأليف وإخراج تامر حسني.

تابع مواقعنا