الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

ميار الببلاوي لـ شيرين عبد الوهاب: بناتك هيبقوا عبيد.. فوقي لنفسك

شيرين وميار الببلاوي
فن
شيرين وميار الببلاوي
السبت 20/أغسطس/2022 - 10:47 م

وجهت الإعلامية ميار الببلاوي رسالة للفنانة شيرين عبد الوهاب، وذلك بعد ظهورها الأخيرة في حفل تكريم بإحدى الجامعات خلال الفترة الماضية.

وقالت ميار الببلاوي لـ شيرين عبد الوهاب في مقطع فيديو عبر فيسبوك، الآتي: خايفة إن شيرين تزعل ولكن بتكلم من حب، شوفت النجمة شيرين عبد الوهاب وهي بتتكرم من كام يوم، شوفت الفستان اللي هي لبساه الوزن اللي وصلتله، يا شيرين فوقي لنفسك ولأولادك الدنيا مش بتقف على أي راجل في العالم.

وتابعت: اسأليني أنا، كلنا اتصدمنا واتطلقنا وفشلنا وعندنا مسئولية وحبينا واتسابنا، انتي مش ملك نفسك وملك الجمهور، وانتي مثل أعلى لبناتك.

وتابعت ميار البلاوي: مينفعش بنتك تشوفك كده منهارة بالطريقة دي، عايزة تبعتيله رسالة إنك اتدمرتي؟ مينفعش تقوليله كده أو انتي من بعده زهدتي من الدنيا؟، بس أنا بحبك يا شيرين أوي وكان عندي ولد واتعرضت لنفس الموقف ومعايا ابني واتطلقت وكنت متعلقة بيه، ولكن الدنيا مشيت واتجوزت بعدها أكتر من مرة والدنيا مفرقتش معايا، عارفة إنك كان حبك جامد أوي، اقفي واثبتي وجودك وظبطي وزنك، اتخضيت من وزنك.

وتابعت ميار الببلاوي: بناتك كده هيتعقدوا، هيبقوا حاجة من الاتنين لما يرتبطوا، ياما هيبقوا عبيد تحت رجلين اللي هيرتبطوا بيه، ياما مش في أي علاقة، إحنا مستنينك شيرين الجدعة المصرية الأصلية اللي بتاخد الخبطة وتقف تاني بـ 100 راجل، معرفش ليه بقولك كده يمكن عشان حسيت بوجعك أكتر من مرة، عايزة أقولك بخبرتي دي الدنيا مبتقفش على حد يا حبيبتي وبصتك في وش بناتك بالدنيا.

وفي سياق متصل، احتفلت كلية طب وجراحة الفم والأسنان بجامعة مصر للعلوم والتكنولوجيا، بتخرج طلاب العام الدراسي 2021ـ2022، بحضور النجمة شيرين عبد الوهاب، والدكتور أشرف زكي، نقيب الممثلين.

حفلات شيرين عبد الوهاب

وتحيي شيرين عبد الوهاب، الليلة السبت، حفلًا في ختام مهرجان قرطاج الدولي في تونس، بدورته الـ56.

تابع مواقعنا