زوجة وائل الإبراشي: الطبيب أقنعه أن بروتوكول وزارة الصحة رخيص وهناك علاج أفضل لكن أغلى| تحقيقات
كشفت التحقيقات في قضية وفاة الإعلامي وائل الابراشي، متأثرًا بإصابته بفيروس كورونا، أن زوجته قالت في التحقيقات إن الطبيب شريف عباس أبلغ زوجها أن بروتوكول وزارة الصحة رخيص ولا يكلفه تكلفة عالية، ويوجد علاج أفضل منه لكن أغلى في الثمن.
التحقيقات في قضية وفاة الإعلامي وائل الإبراشي
وينفرد القاهرة 24 بنشر نص التحقيقات في قضية وفاة الإعلامي وائل الإبراشي، واتهام الطبيب المعالج له في التسبب عن طريق الإهمال في وفاته.
وسألت جهات التحقيق زوجة الإعلامي وائل الابراشي عن تفصيلات البلاغ المقدم منها وتتهم خلاله الطبيب المعالج بالتسبب في وفاة الإعلامي عن طريق الإهمال.
وقالت في التحقيقات: اللي حصل إن أنا بنتي كان عندها إجازة دراسية في فترة الكريسماس لأنها في مدرسة انترناشونال وإحنا متعودين نسافر نتفسح في الإجازة دي وبالفعل أنا سبقت وسافرت اليونان في 2020/12/23 وكنا مستنيين زوجي الإعلامي الشهير بوائل الإبراشي وصحة اسمه وائل حسن محمود الإبراشي يحصلنا وكنت على تواصل معاه في التليفون عن طريق تطبيق فيس تايم.
وفاة الإعلامي وائل الإبراشي
وتابعت زوجة الإعلامي وائل الإبراشي: وأنا بتفرج عليه في حلقة 2020/12/23 لاحظت إنه بيكح فكلمته بعدها وقلتله لازم تعمل فحوصات عشان تتطمن وتاني يوم كان بيكلمني وقاللي إنه عنده كورونا وعرف كدا من خلال مسحة بي سي أر فطلبت منه إنه يبدأ ياخد العلاج اللي في بروتوكول وزارة الصحة فهو قاللي لا أنا مش هقعد في مستشفى أو أتعزل لمدة 14 يوم لوحدي.
وأضافت زوجة وائل الإبراشي في التحقيقات: في دكتور اسمه حازم الحديدي بيشتعل مع وائل في البرنامج عرفه عليه هيجيله البيت وبيبقى ملازم في البيت وعالج ناس كتير قبل كدا والدكتور دا شريف عباس تخصصه كبد وجهاز هضمي ووائل قالي إن الدكتور دا بيقول إن البروتوكول ده وزارة الصحة منزلاه عشان رخيص ومبيكلفهاش تكلفة عالية لكن في علاج أحسن لكن أغلى هو هيجبهوله واستمر الدكتور ده معاه في العلاج لغاية 2020/12/31 وكانت حالته مش بتتحسن بل بتسوء وكان بيقولي إن الدكتور ده قاعد معاه في البيت بدون كمامة وبيدخن بشراهة.
