حتى لا تكون فتنة.. خالد الجندي يوجه رسالة إلى جماهير كرة القدم
حذر الشيخ خالد الجندي، عضو المجلس الأعلى للشئون الإسلامية، مما وصفه بنعرة جاهلية كاملة في قلوب البعض، تُحرك وتؤجج صراعات ومِحَن بين الناس، قائلا: حضرتك فرحان لفوز نادٍ من النوادي، ده حقك، إنما بتعاير النادي التاني ليه؟، لا أنت درَّبت مع المدربين، ولا أدرت النادي مع المديرين، ولا أنفقت عليه مع المنفقين، ولا أنت جيبتلهم لبس أو تي شيرتات، أنت ملكش دخل في حاجة، أنت بتتفرج كده وفاتح بوقّ حضرتك، وليس لك أي دور في الموضوع غير إنك بتشجع، وماعملتش حاجة، فـ ليه بتعاير صاحبك اللي فريقه لم يفز ليه؟.
خالد الجندي: كرة القدم فوز وهزيمة
وأشار الجندى، خلال حلقة برنامجه، اليوم الثلاثاء: أي نادي في العالم، فاز كتير وانهزم كتير، هي كده كرة القدم، ووصل الحال بالعجز الإنساني إنك تفرح بما لم تفعله، ويقولك لولا الجماهير!، ماحدش وقَّف النادي غير إدارته ولاعبيه، مفيش جماهير، من سنين حتى الآن، برضوا عدد قليل، فإذًا لا تنسب لنفسك ما لا تفعل، وتقعد تعاير الناس، يا أخى خليك في حالك.
وواصل حديثه: أنا عجبني موقف سيدنا هارون، عمل اللي عليه، نصح وقال لهم ما ينفعش، بس لم يستخدم القوة لكسر العِجِل الذهب اللي بيعبدوه، وإكراه الآخرين على ما لا يحبه، وهذا من أجل عدم وقوع فتنة.
