حازم إيهاب بعد مشاركته في مسلسل Moon Knight: هاخد الأوسكار معرفش إزاي
كشف الفنان حازم إيهاب كواليس مشاركته في مسلسل Moon Knight، بطولة أوسكار إيزاك، مشيرًا إلى إنه سوف يحصل على جائزة الأوسكار خلال الفترة المقبلة، مؤكدا إنه عندما يحصل عليها سوف يكون عن استحقاق.
وقال حازم إيهاب، خلال لقائه في برنامج ET بالعربي: في يوم من الأيام هاخد أوسكار معرفش إزاي ولكن هيحصل وهبقى كسبتها عن جدارة، ولو جيت من سنتين، ولو قولت كمان سنة هبقى في مسلسل لمارفل والعالم كله هيتفرج عليك وهقف قدام إيزاك ومع المخرج محمد دياب.
وتابع حازم إيهاب: محمد دياب، حاجة كبيرة جدًا، كان مستحيل أصدقه، لكن سبحان الله هي بتحصل، إحنا أجمد، معندناش نفس الظروف اللي بره وبنحس إن فيه حد بيجري ورانا، وشايف إننا شاطرين جدًا.
وأضاف حازم إيهاب: الفرق بينا مش فلوس، هتبقى حاجاتنا زي بوليوود، شوية تنظيم وتخطيط هننافس هولييود وبوليوود.
مسلسل Moon Knight
تدور أحداث مسلسل Moon Knight، في قالب من الخيال حول المرتزق مارك سبكتور، والذي ينقذ حياته من خطر محقق اﻹله خونشو، إله القمر لدى المصريين القدماء، بينما يتعامل مارك مع شخصية أخرى داخل جسده تُدعى ستيفين جرانت.
وشارك في بطولة المسلسل العديد من الفنانين، منهم: إيثان هوك، مي القلماوي، خالد عبد الله، صبا مبارك، أحمد داش، أوسكار إيزاك، حازم إيهاب، وهو من تأليف دوج مينوش، وإخراج محمد دياب.
