أنت أول واحد يعمل أغنية للقشطة.. جمهور الراب يسخر من مصطفى كامل بسبب تصريحاته ضد ويجز
سخر جمهور الراب ومحبو ويجز من الفنان مصطفى كامل، بسبب تصريحاته الأخيرة في إحدى البرامج التلفزيونية ضد الراب ويجز، وعلى الفور هاجموه عبر مواقع التواصل الاجتماعي.
تصريحات مصطفى كامل ضد ويجز
وتحدث مصطفى كامل، عن الراب، خلال حواره، حيث قال: ربنا يخلى العبط والهبل والمهابيل والمهاطيل وربنا يزيدهم، وويجز مش عاجبني ولا هيعجبني وأنا لا أدعي حاجة بره شخصيتي، وأنا سمعت بتوع المهرجانات وسمعته بس مش عارف ولا فاهم بيقول إيه، إذا استمرت الحاجات دي اعرفي إن مصر باي باي، ومتمناش لبلدي إنه يكتر منها الحاجات دي خالص.
انتقاد مطربي الراب لـ مصطفى كامل
ونشر محبو أغاني الراب مقاطع فيديو من أغنية مصطفى كامل قشطة يابا، وردوا على تصريحاته، عبر مواقع التواصل الاجتماعي، حيث قالوا: يا راجل ده أنت أول من عمل أغنية لـ القشطة، ماشي يا بتاع قشطة يابا خليك في حالك، عليا النعمة ويجز بيقول كلام عجبأحسن منك لا صوت ولا أداء، على أساس أنك بتشرح كتاب الموطأ يعني والله لولا المهابيل برضو ما كان حد عرفك.
وأضاف جمهور الراب: مع احترامي ليك ياعم مصطفى بس تراك زي 21 لويجز مثلا اللي اشتغل على محطة فضاء دولية بتاريخك الموسيقي كله أصلا، معلش يا فنان اتكلم عن نفسك وبعدين اتكلم عن واحد عمل اللي أنت عملته في مشوارك الفني كله في 3 سنين.
