سلوى خطاب: سمير غانم الوحيد اللي شجّعني.. ودنيا وإيمي بناتنا كلنا
كشفت الفنانة سلوى خطاب، كواليس آخر عمل جمعها مع الفنان الراحل سمير غانم، كما حرصت على التواجد بـ حفل افتتاح مهرجان الإسكندرية لدول البحر المتوسط في دورته الـ 38.
وتحدثت سلوى خطاب عن حُبها الكبير لمهرجان الإسكندرية، وذلك من خلال حوارها مع القاهرة 24، على هامش فعاليات مهرجان الإسكندرية في دورته الـ 38، حيث قالت: أنا بحب مهرجان جدًا، ببقى حريصة على إني أحضر، لأني بحب إسكندرية وجو إسكندرية.. الواحد بيبقى مبسوط جدًا.
وأعربت سلوى خطاب عن سعادته لمشاركتها في مسلسل نيللي وشريهان مع الفنان سمير غانم، إذ قالت: عملت نيللي وشريهان مع الفنان سمير غانم وابنته دنيا.. ليا ذكريات كويسة جدًا معاه، لأنه الوحيد اللي كان بيقولي إنتي كويسة أوي ومُجتهدة، وده قدام ولادنا، وانبسطت جدًا مع دنيا وإيمي ودول ولادنا
سلوى خطاب: محمود حميدة فنان كبير ومتميز
وتابعت سلوى خطاب حديثها عن كواليس تعاون مع الفنان محمود حميدة، إذ قالت: عملت أحلى فيلم قدام محمود حميدة.. عفاريت الأسفلت، وهو فنان كبير ومتميز.
سلوى خطاب: أنا شخصية مش بحب الدراما في الحياة الشخصية
وأردفت: أنا شخصية مش بحب الدراما في الحياة الشخصية، وبحب آخد الدنيا ببساطة، ولسة بيتعرضلي مسلسل أيام، وهو 45 حلقة، وعامل شغل ممتاز.. السنة دي هيبقى عندنا حاجة كويسة إن شاء الله.
