مطرب المهرجانات مسلم: مصطفى كامل وعدني بالانضمام للنقابة.. وارتحت بعد استقالة هاني شاكر |خاص
كشف مطرب المهرجانات مسلم تفاصيل اعتزاله الغناء، مشيرا إلى أنه ليس حرًا ويتمنى إنتاج الأغاني لنفسه، بجانب الحديث عن علاقته بـ الفنان مصطفى كامل.
وقال مسلم لـ القاهرة 24: مصطفى كامل وعدني إني هدخل النقابة لو هو بقى النقيب الجديد، وإن مشكلتي هتتحل، ولكن مع الأسف هو مش عارف يساعدني في موضوع الإنتاج وأزمتي مع المنتج سلطان، ولكن بقول الحمدلله إن بقى عندي مساحة أكبر لما هاني شاكر ساب النقابة ونفسي ربنا يكرمني وأكون حرًا وأشتغل براحتي.
وسبق وقال مسلم: قرار اعتزالي مش سهل ولكن أنا تعبان نفسيا ومش قادر أشتغل وأنا شايف حد بياكل حقي، والمنتج سلطان الشن بينصب عليا، وأنا رافع عليه قضية بس لسه قدامها وقت، والمشكلة إن العقد اللي ما بيننا 8 سنين وبقول لـ نفسي أكمل ليه وأنا مش مستفيد وحد تاني بياخد مجهودي وفلوسي؟
ومن ناحية أخرى، أعلن مسلم اعتزاله عبر حسابه بموقع إنستجرام، حيث كتب عبر خاصية ستوري: سامحوني لأول مرة أطلع عن حدودي، ولكن لازم أقول إن المجال ده لا يناسبني، وكنت أحلم بأن أحقق الكثير ونجحت والعلم عند الله إذا كان صح أم غلط بس عملت كل اللي عليا فعلا، ومخدتش منه غير وجع القلب وانتهاك حقي إذا كان من منتج أو صاحب.. ومش هرجع إلا لما أكون حر وبعمل اللي عايزه.
