لقيت جزء من ودني واقع على الأرض.. ننشر أقوال المجني عليه في واقعة بلطجي كفر البطيخ | تحقيقات
يواصل القاهرة 24 نشر التحقيقات في واقعة التعدي على سيدة ونجلها على يد بلطجي كفر البطيخ، حيث ألقت الأجهزة الأمنية القبض على إبراهيم الخياط والمعروف إعلاميا ببلطجي دمياط، وتمت إحالته إلى جهات التحقيق، التي شرعت في سؤاله عن الواقعة.
بلطجي دمياط
وينفرد القاهرة 24 بنشر التحقيقات في القضية، حيث ألقت الأجهزة الأمنية القبض على إبراهيم الخياط، والمعروف إعلاميا ببلطجي دمياط، وتمت إحالته إلى جهات التحقيق،يواصل القاهرة 24 نشر التحقيقات في واقعة التعدي على سيدة ونجلها على يد بلطجي كفر البطيخ، حيث ألقت الأجهزة الأمنية القبض على إبراهيم الخياط والمعروف إعلاميا ببلطجي دمياط، وتمت إحالته إلى جهات التحقيق، التي شرعت في سؤاله عن الواقعة.
كفر البطيخ
وينفرد القاهرة 24 بنشر التحقيقات في القضية، حيث ألقت الأجهزة الأمنية القبض على إبراهيم الخياط، والمعروف إعلاميا ببلطجي دمياط، وتمت إحالته إلى جهات التحقيق، وانتقل رجال التحقيق للمستشفى للاستماع إلى شهادة المجتي عليه، وقال:اللي حصل إن أنا كنت راجع من صلاه الفجر إمبارح، وطلعت علشان أنام واحنا ساكنين في الدور الأخير سمعت صوت وش کبیر جاي من الراديو، وجاي من الجار اللي ساكن قصادي وصوت وش كبير وكان جای من صوت الورشة اللي تحت البيت وجاي من الدور الأخير، ده وخبط علي الشباك الالمنتال بتاعي علشان أعرف أن الصوت مضايقنا ويوطي الصوت، وقولت اكيد هيفهموا لما أخبط علي الشباك جامد لأن المسافة مش كبيرة بين البيوت، ومفيش حاجه حصلت ودخلت نمت.
تابع المجني عليه في قضية بلطجي كفر البطيخ: صحيت بعد العصر وقولت أنزل شوية ولبست ونزلت من البيت وأنا نازل ببص في الشارع تلقائي عادي في الطريق اللي رايح فيه لقيت حاجه عدت من جنب ودني وعورتني في ودني، ولقيت جزء منها علي الأرض وببص لقيت إبراهيم الخياط ماسك سكينة كبيرة وعاوز يضربني بيها وقالع هدومه ساعتها، وبيقولي انت بشتمني، وتف عليا وحاولت أصد الضربة لأنها كانت جاية علي رقبتي، راح كف إيدي الشمال القطع اكتر من نصه والدم نزل مني كتير علي الأرض وحاولت أجري منه اتزحلقت من الدم اللي نزل ووقع علي وشي وقعد يضرني بالسكينة في ضهرى وانا بلف تلقائي وبحوش ضربه بإيدي اليمين وبعطيله وشي لقيته ضربني بالسكينة في كف ايدي اليمين وقطع نصه.
أضاف المجني عليه في واقعة بلطجي دمياط: أنا كنت في حالة ذهول لحد لما شفت فجأة أمي وبتحاول تحوش عني وتصد الضرب اللي بيضربهولي، وفجأة لقيت كف أيد أمي علي الأرض ولقيته قعد يضرب فيها بالسكينة وأنا ماحسيتش بنفسي ولا بحاجة غير والناس بتربط ايدي وودني وبيقولوا والدتك توكتوك خدها يوديها مستشفي وانت اركب الإسعاف هتاخدك علي مستشفي الاعصر في دمياط وروحت علي المستشفي وبعد كده معرفش ايه اللي حصل وهو ده كل اللي حصل
