مبشربس مخدرات وهربت من الشرطة عشان كانوا لابسين ملكي.. ننشر أقوال سائق السويس المتهور
قررت الدائرة 11 بمحكمة جنوب القاهرة المنعقدة في التجمع الخامس، معاقبة المتهم بقيادة سيارته برعونة على طريق السويس، والمعروفة إعلاميًا بـ السائق المخمور بطريق القاهرة السويس، بالمشدد 3 سنوات وغرامة 50 ألف جنيه وإيقاف رخصة القيادة.
سائق السويس المتهور
حصل القاهرة 24 على التحقيقات في واقعة سائق السويس المتهور، وجاءت أقوال أمام جهات التحقيق كالآتي:-
س: ما هو قولك فيما هو منسوب إليك من أنك متهم بتعاطي أقراص مخدرة في غير الأحوال المصرح بها قانونا، على النحو المبين بالتحقيقات؟
ج: محصلش
س: ما قولك فيما هو منسوب إليك من أنك متهم بإحراز أقراص مخدرة وترامادول في غير الأحوال المصرح بها قانونا على النحو المبين بالتحقيقات؟
ج: محصلش.
س: ما قولك في أنك متهم بقيادة سيارتك برعونة ومعرضا حياتك وحياة الآخرين للخطر؟
ج: محصلش.
س: إذن ما هي طروف ضبطك وعرضك علينا؟
ج: اللي حصل إني أنا كنت ماشي بعربيتي على طريق السويس اتجاه القاهرة، فلقيت عربية نيسان بتزنق عليا، ولقيته مصر إنه يزنق عليا، فبقوله انت بتعمل ايه، قالي هو كده ويلا امشي من هنا.
تابع سائق السويس المتهور: بعدها نزلنا من العربيات ولقيته بيزقني، وبعدين ركب عربيته وجري وحاولت الحقه، عشان اقوله انت بتعمل كده ليه، لقيته وقف ونزل وجاب طوبة، وكسر زجاج العربية، وانا خوفت احسن يضربني بالطوبة، وفضلت قاعد جوا العربية، وخوفت انزل منها، وبعدها بقيت واحد جاي بيقول انه أمين شرطة، وبيقولي انزل اتكلم مع الراجل التاني، وكان عارف اسمه، فأنا خوفت لا يكونوا يعرفوا بعض، وقولتله ايه اللي يثبت انك امين شرطة، فوراني الكارنيه بتاعه، بس انا كنت شاكك انه امين شرطة، لأنه كان لابس اسود والكارنيه بتاعه قديم.
أضاف سائق السويس المتهور في اعترافاته أمام جهات التحقيق: بعدها لقيت أمين الشرطة ركب معايا العربية، وقالي اطلع بينا على الكمين، ولما اتحركت لقيت عربية شرطة جاية ورايا، وبتحاول توقفني بطريقة مريبة، وكانوا لابسين ملكي فا انا خوفت منهم وفضلت اجري بالعربية، لغاية ما وقفوني في الكمين وجابوني على هنا.
