الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

الجمهور بيحبني أكتر من نجوم الكرة وبحس بالأمان مع طارق مدكور.. أبرز تصريحات شيرين عبد الوهاب

شيرين عبد الوهاب
فن
شيرين عبد الوهاب
الثلاثاء 11/أكتوبر/2022 - 01:55 ص

حلت الفنانة شيرين عبد الوهاب ضيفة على الإعلامية إسعاد يونس في برنامجها صاحبة السعادة، وكشفت عن العديد من الأسرار عن حياتها الشخصية لأول مرة، بجانب الحديث عن حفل ختام مهرجان قرطاج وحقيقة علاجها من الإدمان، وذلك في أول ظهور تلفزيوني لها بعد أزمتها الأخيرة مع طليقها المطرب حسام حبيب.

وفيما يلي أبرز تصريحات شيرين عبد الوهاب مع صاحبة السعادة:-

-الناس بيحبوني أكتر من نجوم الكرة عشان صوتي ووشي البشوش.

- الصوت مش بيعجز إلا لو خوفتي عليه وهو عضلة وعامل زي الحصان.

-رجعت أذاكر مزيكا كأني لسه بتعلم وبسمع عبد الحليم حافظ وبتعلم منه المقامات.

-أغنية غريبة الناس وأنا كتير عليك لـ سميرة سعيد وحظك في الغرام لـ فضل شاكر كانوا بتوعي.

-نصر محروس أبويا الروحي واتعلمت منه مزعلش على أغنية راحت مني.

-مش ندمانة على أي أغنية في مسيرتي الفنية وكنت محظوظة.

-أنا مفيش أطيب ولا أحن مني وبعتبر نفسي نتاج من شادية وفايزة أحمد ووردة.

-رجعت اسمع كل النصايح اللي الناس قالولي عليها وأنا صغيرة وبنفذها.

-كنت عارفة إن ربنا شايل ليا حاجة حلوة بس مش أوي كدا وعمري ما توقعت إني هبقى دولية وعندي جمهور على مستوى على الوطن العربي.

- كنت فاكرة وأنا صغيرة إني هكون صاحبة محل أدوات تجميل.

-نجاة الصغيرة كلمتني من 5 شهور وقالت لي إني خليفتها في المجال.

-أحمد سعد نجح لما قدم أغاني لايت وخفيفة وهو نجح متأخر بس يستاهل.

-متعالجتش من إدمان المخدرات أنا فلة شمعة منورة.

-وصلت لمرحلة إني كنت بطلب المساعدة من بناتي وبسألهم أعمل إيه.

-بنتي فوقتني بـ كلمتين بس لما قالت لي “ يا ماما دا مينفعكيش”.

-كنت هربانة من الناس خوفًا من الشماتة لأن كلهم حذروني من قراراتي.

-لما حلقت شعري حسيت إني غسلت نفسي وإني ببدأ من جديد.

-صالحت عمرو دياب لأني بحترمه ومحدش يحاسبني على حاجة قولتها في حفلة خاصة وكنت بهزر.

-بحس بالأمان مع طارق مدكور وعلمني إزاي أعيش ومهتم دايما بتفاصيلي.

-مبحبش أمشي جنب الحيط وبطلت ألبس أقنعة للجمهور.

-أنا عفوية ومقصدش إساءة لـ حسن أبو السعود وياريتني قولت إني شبه محمد ممدوح.

-سميرة سعيد قدوتي وبحب الستات اللي بيحبوا الحياة.

-بجهز لـ فنان صاعد اسمه دودي وهيكون العندليب القادم.

-قلبي بابه اتقفل خلاص وكنت فاكرة كل الناس وحشة وطمعانين.

-أنا اتربيت على صوت عمرو دياب وإيهاب توفيق.

-روحي رجعت لي في مهرجان قرطاج ومكنتش قادرة أقف على رجلي.

-جسمي كان بيخزن مياه وكنت بعرق على المسرح.

-بحب الشقا اللي شقيته في بدايتي.

-اتعلمت أسمع النصائح بخصوص حياتي العاطفية.

تابع مواقعنا