وديت الفولورز فين يا مارك؟.. تحديثات فيس بوك تقلل عدد المتابعين بالحسابات الشخصية
ضرب موقع التواصل الاجتماعي فيس بوك مساء أمس، اختراق جديد تسبب في حذف أعداد كبيرة من المتابعين للحسابات الشخصية، حيث فوجئ مستخدمو الموقع بضياع الآلاف من المتابعين لديهم دون سبب.
الاختراق يطول مارك
وجاء على رأس الحسابات المخترقة حساب مارك زوكربيرج مؤسس فيس بوك وشركة ميتا، الذي خسر نحو 119 مليون متابع، بعد ساعات قليلة من المؤتمر السنوي لشركة ميتا، وإعلان إطلاق نظارات الواقع الافتراضي.
وغيّر مارك صورته الشخصية على حسابه بفيس بوك، بعد انعقاد الاجتماع وظهر فيها مرتديًا نظارة الواقع الافتراضي، للتعايش مع مجتمع ميتافيرس، فيما نشر فيديو خاص لتوضيح كيفية استخدام تلك النظارة.
وتسب اختراق فيس بوك وحذف المتابعين؛ في إشعال غضب عارم بين المستخدمين، وخاصة من المشاهير.
حمو بيكا: حد يكلم مارك
وظهر مطرب المهرجانات حمو بيكا في فيديو قصير بعد اختراق حسابه، قائلًا: أنا اتسرقت، أنا كنت 6 مليون على الأكونت بتاعي طار مني 100 ألف، حد يشوفلي صرفة، ويرجعلي الناس بتوعي عشان الدنيا كده بتبوظ، إحنا مش هنقعد نجمع الناس دي، وفي الأخر أنتو يجيوا عليكم هكر يضيع الناس دي كلها، بسرعة حد يكلم مارك.
وعلق حساب باسم إيمان: جماعة هو إيه اللي حصل، عدد المتابعين كان 22 ألف، بقى في دقائق 9650.
فيما كتب حساب آخر: عدد المتابعين كان 6290 بقى 9923، حتى أكاونت مارك نفسه بقى كده تقريبًا، اللي كان بيلعب شال الأرقام اللي فوق خانت الألف، وقالك هم 4 خانات بس، محدش يلعب في البرودكشن يا جدعان.
وعلقت إيمان الشريف على الاختراق، قائلة: عدد المتابعين نزل للنص في دقيقة، دي حالة هروب جماعي ولا إيه.
بينما كتبت شيماء سامي: أنا عدد المتابعين عندي نقص من 16 ألف لـ 9 آلاف في كام ساعة.
